Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Iria Aboi, secretaria xeral de Galiza Nova

"O Día das Letras é todos os días"

Cre que esta xornada debería repercutir nunha actitude máis comprometida por parte de toda a sociedade.

Redacción - 14:20 15/05/2008

"O Día das Letras é todos os días, para unha persoa que está comprometida con ela e que o utiliza os 365 días. A nivel social é unha data con moito simbolismo, aínda que debería repercutir nunha actitude máis comprometida por parte de toda a sociedade.

Este ano a organización á que pertenzo e eu celebrarémola na manifestación que se fai o día 18, pero o noso compromiso continuará o resto do ano. Penso que esta data debería superar dous aspectos: a función personalizada de conmemorar a unha única figura das nosas letras ao ano e a de que teña lugar tan só un día. Por parte das administracións, colectivos sociais e medios de comunicación debería haber unha actitude máis comprometida co uso da lingua. É lamentábel que a día de hoxe se use o galego de xeito anecdótico este día e non se faga un traballo constante o resto do ano.

O Día das Letras debería significar unha loita diaria para que o galego recupere as esferas social, política e administrativa que lle foron arrebatadas e coas que deberían contar todas as linguas".


3.2/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: