Vieiros

Vieiros de meu Perfil


Edición xeral

RSS de Edición xeral
Feira Internacional 'Navalia 2008'

Industria anuncia a constitución da Mesa do Naval na segunda quincena de xuño

Traballará para potenciar a aplicación do I+D+i no sector, así como para impulsar a competitividade das empresas.

Redacción - 18:35 20/05/2008
Vigo acolle Navalia 2008

Vigo acolle Navalia 2008

O conselleiro de Innovación e Industria, Fernando Blanco, confirmou este martes que a Mesa do Naval constituirase na segunda quincena do mes de xuño, e que será a encargada de pór en práctica a folla de ruta acordada nas reunións da Mesa da Industria Auxiliar do Naval.

Blanco deu a noticia durante o acto de inauguración da Feira Internacional da Industria Naval Navalia 2008, onde explicou que a Mesa traballará para potenciar a aplicación do I+D+i no sector, así como para impulsar a competitividade das empresas.

Durante a súa presentación, o conselleiro recordou as medidas postas en marcha este ano polo seu departamento: o convenio para ampliar a cualificación profesional dos traballadores; a achega de 3,5 millóns de euros para a consolidación de contratos das carteiras de pedidos; ou a posta en funcionamento do Centro Tecnolóxico e da Plataforma Tecnolóxica do Naval.

Fernando Blanco referiuse ao bo momento que atravesa a construción naval no noso país, que pechou o ano pasado con 300 mil toneladas de produción e que ten carteira de pedidos deica o ano 2013, dixo. Ademais, recalcou que a consellería está "disposta a buscar alternativas para que a falta de infraestruturas non free o crecemento do sector".

Xente nova que garanta a continuidade

Pola súa banda, o presidente do Comité Executivo de Navalia, Francisco González Viñas, afirmou, en relación coa situación do naval, que "a industria auxiliar quedou pequena" e que o sector "precisa incorporar xente nova que garanta a continuidade".

A ese respecto, pediu a chegada dunha "vaga" de rapaces e rapazas con cualificación, porque "pola contra, teriamos que reincorporar operarios de Polonia, Romanía ou Turquía". "Esa non é a nosa intención, nós queremos estabilidade no sector", precisou no entanto.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: