Vieiros

Polo menos 15 mulleres foron queimadas vivas en Nyakoe, unha aldea a 300 quilómetros ao oeste de Nairobi, capital de Quenia, logo de seren acusadas de bruxería polos seus veciños. Segundo as testemuñas, un cento de persoas levounas á fogueira.

A Policía puxo en marcha un operativo de seguridade para identificar e deter os autores do crime. "É inaceptábel", asegurou Mwangi Ngunyi, responsábel do distrito onde sucederon os feitos. "A xente non pode facer a xustiza polas propias mans, simplemente en base a sospeitas", subliñou.

Segundo fontes locais, polo menos dúas ducias de persoas foron acusadas de bruxería e asasinadas no país dende 1990, concretamente nesa zona. No entanto, segundo os correspondentes dos medios no país sorprende o elevado número de persoas axustizadas á vez.