Edición xeral
"Non pode haber municipios de 200 habitantes"
O secretario xeral da Vicepresidencia da Xunta, Xabier Ferreira, subliñou a fusión de concellos como mecanismo para aumentar a calidade dos servizos a nivel local.
"O financiamento é un dos grandes problemas", destacou Ferreira Fernández durante a súa intervención na mesa redonda sobre o futuro das entidades locais, organizada en Lalín pola Universidade Internacional Menéndez Pelayo. Ferreira reflexionou que son necesarias medidas que garantan a sostibilidade das entidades locais, afirmando que "non pode haber municipios de 200 habitantes" en relación á pequena dimensión de moitos concellos do país. Nese sentido, o secretario xeral de Vicepresidencia dixo estar a favor de "solucións funcionais puntuais e dunha posible reordenación do mapa municipal".
Sobre ese futuro de fusión municipal falou tamén o alcalde de Lalín, Xosé Crespo, quen xa insistira en levar este debate a primeiro plano durante a súa etapa á fronte da Federación Galega de Municipios e Provincias. Crespo dixo estar seguro de que se trata dun paso "viábel e factíbel a curto ou medio prazo". Salientou ademais que todo serán "vantaxes", fundamentalmente a facilidade para "dar uns servizos de moito máis calidade" e apuntou que o único "prexuízo" pasará pola "desaparición de alcaldes e concelleiros". Ao fío, laiouse de que con probabilidade a "ausencia de madureza política" impide agora mesmo afrontar ese proceso de conseguir o que definiu como "un novo traxe para Galiza".
Comentarios (4)
Vaia toda a vida a voltas com isso das paroquias como definidoras da vida civil da Galiza, toda a história a demonstrar que o modelo de província e Concelho castelão na Galiza é inaplicável e que é o que gera o caciquismo e agora mais 7 cuncas.
Se finalmente muito nacionalismo teórico, muito fato novo e terminamos por defender o único que é realmente imposto e inadequado e contra toda a tradição política de Galiza desde a Junta de 1809 até Beiras, passando pelo provincialismo e Bóveda.
Acho que te trabucas, EVAZSOU. Umha reestruturaçom (em forma de fusom generalizada) dos concelhos, de jeito que passassem a corresponder com as comarcas, estaria em perfecta sintonia com o que o nacionalismo leva toda a vida defendendo. Superaria-se o modelo "província + concelho", com uns novos concelhos comarcais mais acaídos à realidade, grandes abondo como para gestionar eficientemente os serviços que devem oferecer. Uns novos concelhos chamados Trives, Caldelas, Ribeiro, Deça, Soneira, Morraço ou Condado seriam um reflexo fiel tanto da história como da realidade da Galiza actual.
E as parróquias teriam cabida doadamente neste modelo, mesmo obtendo reconhecemento administrativo: seria algo semelhante ao que acontece em Portugal, que conta com só 308 concelhos (menos que a Galiza), e por debaixo deles estám as parróquias com as suas Juntas de Freguesia. Seria doado dar-lhes às parróquias galegas um reconehcemento similar.
Ai comarquinhas comarcaaaas! Que necesárias soooois!
Homem Sr_J, se for desse jeito. Quem nos dera. Umas estruturas Administrativas coincidentes coas bisbarras e comarcas (históricas ou mais ou menos re-definidas) e descentralizadas em juntas de freguesia ou pedanias na paroquias era cousa de se ver.
Mas duvido que vaiam por aí, esse é o discurso. Mas temo que simplesmente vão manter a mesma estrutura que existe e reduzir o número de concelhos a fim de "solventar" os dados de despovoamento.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto