En 2009 completarase á fin o inventario de "elementos patrimoniais"
A lista de cruceiros, cruces e petos de ánimas do país quedará á fin reunida, nun proceso de catalogación que rematará coas bisbarras de Santiago, A Coruña e Terra de Lemos.
Trátase dun proxecto iniciado na altura de 1993, e que cada ano fai un seguimento en novas comarcas do país, facendo polo miúdo un inventario patrimonial. Agora mesmo está finalizado o 90% do traballo estimado pola Dirección Xeral de Patrimonio.
O equipo de traballo estudará en 2008 os concellos de Ordes, Mesía, Cerceda, Tordoia, Val do Dubra, Trazo e Oroso na comarca de Ordes; Outeiro de Rei, Friol, Lugo, Castroverde, Guntín, Portomarín e O Corgo na comarca de Lugo; e Cea, Beariz, O Carballiño, O Irixo, Piñor, Maside, Boborás, Punxín e San Amaro na comarca do Carballiño.
En 2009 trasladaranse os traballos aos concellos da Coruña, Oleiros, Sada, Bergondo, Arteixo, Cambre, Culleredo, Carral e Abegondo na comarca da Coruña; Santiago, Ames, Brión, Teo, Boqueixón e Vedra na comarca de Santiago, e O Saviñao, Bóveda, A Pobra de Brollón, Monforte, Pantón e Sober na Terra de Lemos.
O Consello da Xunta aproba este xoves o convenio polo que a consellaría de Cultura achegará 45.000 euros para os traballos, que desenvolverá un equipo da Escola Técnica Superior de Arquitectura da Universidade da Coruña.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto