Edición xeral
"En Venezuela hai colas para mercar leite porque agora os pobres pódeno pagar"
Analizamos cos representantes do goberno venezolano no noso país algúns dos temas máis polémicos da Revolución Bolivariana.
Un intre da entrevista, na redacción de Vieiros
Como é posíbel que nun país rico en petróleo haxa problemas para acceder aos alimentos? Financia Chávez as FARC? David Nieves e Pedro José Ugueto, Cónsul Xeral e Cónsul de Segunda de Venezuela en Galiza, visitaron a redacción de Vieiros, para explicar a súa visión dalgúns dos aspectos máis controvertidos do proceso revolucionario no seu país.
Vieiros: Cal son os principais obxectivos do seu traballo en Galiza?
David Nieves: O traballo dos anteriores cónsules era meramente burocrático. Nós non somos desa estirpe. Interésanos tamén o aspecto revolucionario, achegarnos ao pobo galego, que teñan afinidade co proceso revolucionario venezolano. O único que lle pedimos ao mundo enteiro é que nos respecten. A nosa dignidade conquistouse hai moitos anos e querémola seguir mantendo. Abrímoslles a man no seu momento do mesmo xeito que agora nola abren a nós. O de Galiza é un dos maiores consulados venezolanos que hai en Europa.
Pedro Ugueto: As principais relacións a nivel político e cultural que fixemos son co nacionalismo. Vémolo con simpatía e cremos na xusteza da loita que o pobo galego ten, particularmente coa defensa do idioma. Tamén en Venezuela, a lingua indiana é oficial como o castelán.
Vieiros: En boa parte da sociedade galega, e en Europa en xeral, hai unha percepción negativa da Revolución Bolivariana e está bastante estendida a idea de que Hugo Chávez é un ditador. Ademais, é obxecto de burla e de comentarios racistas, mesmo dende sectores que non se recoñecen a si mesmos como reaccionarios...
Pedro Ugueto: Dentro da onda de racismo que percorre Europa, a figura de Chávez serve para o discurso que eles propugnan. Cando caricaturizan a Chávez, dinlle macaco, negro, ... iso fai causa común con este discurso fascista e xenófobo. Agora está de moda atacar os xitanos: calquera día destes sairá na prensa disfrazado de xitano... Independentemente de que o discurso de Chávez é especial e que ás veces é dificilmente entendíbel mesmo para nós, mais moitas veces porque se saca de contexto.
David Nieves: Chávez é de orixe negra, ten o pelo chicharrón, é bembón, ten unha verruga, é feo en definitiva. Non é de orixe escandinava, de ollos azuis, que é como acostuman á xente que así é como ten que ser un presidente. Chávez ten todas as características dun home do pobo. Vén de andar en alpargatas, de vender conservas na rúa. Chávez fala a linguaxe do pobo, o que aprendeu cando era neno, de aquí ese costume que ten de usar refráns, que para os venezolanos son perfectamente entendíbeis e que soan raro para alguén que non o é. Chávez realmente é popular. O programa de maior audiencia que hai en Venezuela é o Aló Presidente.
Vieiros: Os movementos populares avanzan en Latinoamérica. Que percepción hai da Revolución Bolivariana no continente?
David Nieves: A Revolución venezolana é unha revolución inédita nunca vista no mundo enteiro. E esa revolución tiña que xurdir en América Latina por canto foi convertida en algo comunmente coñecido como "o patio traseiro" do Imperio Norteamericano. De aí veñen xurdindo os procesos para conquistarlle o Sur ao Norte. Chávez sementou un exemplo que ten, tivo e vai ter sempre como referente o que foi o proceso revolucionario cubano, a primeira candea que prendeu en América. De alí aprendemos nós, desa solidariedade que sempre brindaron os cubanos malia ser un pobo con 50 anos de bloqueo. Como se lle pode chamar a un Estado que converte cuarteis onde torturaban a xente en centros culturais? Como se pode explicar que haxa unha política adicada a resolver a saúde do pobo a través do que nós chamamos as misións? Ou a creación de Mercal, onde o pobre pode ir e mercar comida barata. Porén, para min o grande logro do chavismo foi o proceso de alfabetización. Un goberno que faga todo iso se tense que chamar revolucionario.
Vieiros: No entanto, moita xente pregúntase como pode ser que nun país rico polo seu petróleo poida haber problemas de abastecemento alimentario...
Pedro Ugueto: Logo de case cinco séculos, cun desenvolvemento económico como o que tiña Venezuela, comezouse a trazar dende 1999 un camiño distinto. Da dependencia económica estamos tratando de avanzar cara á independencia económica. Da dependencia política co Imperialismo Norteamericano estamos tratando de avanzar cara á verdadeira soberanía, a soberanía nacional, continental e latinoamericana. No caso do que ten que ver cos produtos da cesta básica, en realidade, Venezuela sempre dependeu da importación de alimentos. Nunca houbo unha reforma agraria. A terra sempre estivo en mans da oligarquía latifundista e a maioría permanece ociosa. Hoxe estamos a procurar a soberanía alimentaria a través da Lei de Terras. Vai pasar un certo tempo en que eses problemas van seguir existindo até que o campesiño se poida dotar de terras e Venezuela sexa quen de se autoabastecer. É o chamado Novo Modelo de Desenvolvemento, é dicir, endóxeno, dende dentro: comezar a producir o que antes se importaba. Ademais, practicamente todo o que é a estrutura técnica, industrial e financeira, tamén se traía desde os Estados Unidos, e no caso de Venezuela hai unha especie de bloqueo encuberto. Tivemos que estabelecer unha nova relación a nivel mundial e abrir a política industrial e científico a Europa e Asia.
Vieiros: Recentemente, un xornal galego levaba ás súas páxinas fotos de galegos, a maioría anciáns, en ringleira para conseguir un pouco de leite...
Pedro Ugueto: Hai unha información parcial, en grandes titulares dise: “En Venezuela hai desabastecemento de leite”, porén non se di por exemplo que iso ten moito que ver cunha demanda exponencial do consumo. Os pobres non consumían leite, mais agora melloraron o seu poder adquisitivo, e os que nunca tiveron dereito a compralo, agora si que poden. A produción non se aumentou polos problemas dun aparello económico herdado do colonialismo. Por unha banda non temos todos os mercados internacionais para podelo fornecer pola vía da importación, e doutra porque o proceso de desenvolvemento non se pode facer dun día para outro. O que non se di por exemplo é que a poboación que non tiña acceso aos produtos da cesta básica, agora si que o ten a través do Mercal. O problema de acceso aos alimentos é mundial. Grandes cadeas de consumo norteamericanas estanlle a pór á xente topes á adquisición do arroz. Tampouco se di que a irracionalidade da política do imperialismo quere converter os alimentos en combustíbel, mentres millóns de persoas morren de fame.
Vieiros: Tamén se fala da inseguridade cidadá, con cifras realmente alarmantes...
Pedro Ugueto: As cifras tamén se manipulan. As estatísticas son como o bisturí: en mans dun cirurxián pode salvar vidas, pero dásllo a un asasino e pódeas quitar. Non toman en conta que agora se creou unha lei de Policía Nacional para reunificala e reconstruíla. Non se di que dentro dos factores de criminalidade que existen é que os corpos policiais foron os principais violadores de dereitos humanos dos cidadáns, e que dende a chegada da Revolución por primeira vez hai informes que salvan dos abusos os corpos policiais. Ademais estanse a crear as policías veciñais. Os exércitos e as policías formáronse sempre nas academias militares norteamericanas. Estamos tratando de ter a nosa propia doutrina en seguridade. Son moitos anos de dependencia, subordinación, colonialismo, vasalaxe, ao imperialismo en todas as grandes decisións que se tomaron en Venezuela. Nestes dez anos, malia que existen moitísimos problemas, é moitísimo tamén o que se avanzou. A inseguridade vai seguir existindo, porque tampouco é un problema exclusivo de Venezuela, é do mundo.
Vieiros: E os secuestros?
Pedro Ugueto: En EUA hai moitísimos máis. Moitísimos máis asasinatos, hai moita máis violencia, porque é unha sociedade que está enferma polo problema da violencia. Enfermidade que de paso como unha praga se transmitiu a toda América Latina. O que transmiten os medios de comunicación norteamericanos non é precisamente a mensaxe da cultura, é a mensaxe da violencia no cine, na TV, na radio. O fenómeno das bandas xuvenís -que en Venezuela é un problema ben serio- ten moito que ver coa imitación de patróns de conduta dos EUA. Nós non estamos a agochar iso. Quizais é o problema máis importante a resolver para a Revolución Bolivariana. Mais o que chama moito a atención é que se utilice ese elemento, que é un problema a resolver por toda a comunidade de nacións, como principal punto de ataque ao proceso venezolano.
Vieiros: Logo a que responde esa suposta manipulación dos medios?
David Nieves: A oposición venezolana é unha pobre oposición. Non desenvolve unha liña política, non discute nin pelexa en termos ideolóxicos. Quen enche ese baleiro son os grandes medios de comunicación. O Sociedade Interamericana de Prensa (SIP) ten tentáculos que abarcan o mundo enteiro. Todos eses xornais: El Tiempo, en Bogotá; El Universal e El Nacional, en Venezuela; El País, en España, falan a mesma linguaxe e a súa posición é destruír o goberno venezolano porque é un mal exemplo para os pobos de América Latina, por aquilo de que "a serpe mátase pola cabeza".
Pedro Ugueto: Ás veces ves as portadas e os editoriais destes xornais e son iguais. Ademais, en Venezuela hai un grupo de intelectuais da dereita que viven do antichavismo. Para eles Chávez representa un grande negocio. Algúns articulistas están en El País: tes intelectuais como un tal Boris Izaguirre, ou un Moisés Naim, .... Cando se desclasificou a documentación do golpe de estado de Chile, descubriuse que a CIA tiña xornalistas pagados en El Mercurio, de Santiago, no Washington Post, ou en xornais de Venezuela para descualificar o proceso de Allende. Non descarto que moita desta xente puidese esta pagada para desacreditar a Revolución Bolivariana.
Vieiros: Até certo punto é unha postura lóxica por parte dos medios venezolanos, mais por que esta belixerancia por parte dos europeos, norteamericanos, ...?
Pedro Ugueto: Non hai ningunha dúbida de que a consigna que mandou a Revolución Bolivariana, que é "Patria, socialismo ou morte", é de alcance mundial. Cando dicimos "socialismo ou morte", sostemos que se o mundo non avanza polo camiño do socialismo o que lle espera é a morte. Que se o Imperialismo Norteamericano segue como vai, avanzamos cara á destrución do planeta. Todos os pobos débense de unir para derrotar non ao pobo de EUA senón á oligarquía que alí goberna. A posición que ten Venezuela fronte a temas como o quecemento global, os biocombustíbeis, o ALCA, Israel, é unha posición que sempre nos vai pór fronte á do Imperio. En todos os foros mundiais, Venezuela -ese país pequeno pero con moita dignidade- está dando a batalla, e iso é moi mal exemplo para o resto dos pobos. Por iso converteron a Revolución Bolivariana nun obxectivo. Derrotala é moi importante para que non se siga propagando o xarampón.
Venezuela vai cara a unha nova doutrina en materia de seguridade continental. Existe o Tratado Interamericano de Asistencia Recíproca (TIAR), polo cal os exércitos dos países de América Latina non serven máis que para conter a orde interna, porque da seguridade continental se encarga o noso papá. Pero a Guerra das Malvinas demostrou que iso non era así: Arxentina sufriu a agresión de Inglaterra, e a posición de EUA foi aliñarse cos ingleses. Cando Venezuela rompe con iso e expón unha nova estratexia militar e propoñémoslles ao resto dos países de América esta nova doutrina, o Pentágono di "ese é o inimigo". Cando dicimos "saquemos todas as reservas internacionais de EUA", e creamos o Banco do Sur, con Brasil, Bolivia, Panamá, ..., dende Wall Street din "ese é o inimigo". Cando dicimos "por que enviar os nosos raparigos a estudar a Yale? Fagamos unha gran universidade", dende esas universidades din "ese é o inimigo". "Por que imos ver CNN? Teñamos Telesur...". Non é tanto o impacto do que está a facer Venezuela, senón o exemplo que dá, que por iso hai esa opinión na nosa contra, e iso está a chegar a Europa tamén.
Vieiros: Tamén se di que Venezuela financia as FARC, e personifican esta acusación na figura de Hugo Chávez...
Pedro Ugueto: O propio presidente de Colombia (Álvaro Uribe) autorizou ao goberno venezolano a comunicarse coas FARC. Sendo Venezuela celosa do dereito de autodeterminación dos pobos, só até que se obtivo esta autorización, iniciou os contactos coa guerrilla. Si que tivo contactos coas FARC, mais non ás costas do Estado colombiano. Cando Uribe di que Pilar Córdoba (senadora da oposición colombiana) e Hugo Chávez non ían ser máis os negociadores, é cando un entende que Uribe non ten intencións de chegar á paz, que era simplemente unha xogada. Naquel momento, co seu particular estilo, Hugo Chávez dixo cousas tremendas de Uribe con sobrada e xustificada razón.
Vieiros: Seguiu Uribe directrices de Washington?
Pedro Ugueto: Claro! Dixeron: "Rebenten esa negociación, saquen a Chávez do camiño, vincúleno coa guerrilla, diga que son os seus amigos, diga que lles dá cartos", e rebentaron o proceso de negociación, e de paso pretendían descualificar a Pilar Córdoba porque estaba gañando prestixio, dentro da sociedade colombiana. Utilizan o problema da guerrilla e da posibilidade dunha negociación dun xeito moi conveniente. O presidente Kirchner, Lula, Evo, practicamente toda a UE dixeron: "Nós imos até alí para colaborar coa negociación". Sarkozy mandou un avión e rebentáronllo. A propia oligarquía colombiana frustrou todos eses intentos.
David Nieves: Pobos enteiros foxen diariamente a Venezuela perseguidos polas Unidades de Autodefensa (AUC), e a estas alturas hai unha trintena de parlamentarios -vinculados ao proceso de Uribe-, presos pola súa relación coas paramilitares. Uribe ten clara responsabilidade na súa creación. A súa familia matouna a guerrilla e en vinganza creou as Unidades, que masacran o pobo colombiano. O desprestixio de Uribe entre o pobo colombiano é alto. Eu non digo que na medida en que baixa o prestixio de Uribe, sobe o das FARC, mais mantívose. E agora inventan o do computador de Raúl Reyes, que din que contiña todo o que se escribía con Chávez, cando calquera que manexe un sabe que é facilmente manipulábel.
Vieiros: Recentemente, Chavez pediulles publicamente as FARC que abandonasen as armas e tomasen a vía política...
Pedro Ugueto: Chávez comezou cun movemento insurreccional, mais finalmente accedeu ao poder pola vía electoral. Porén, en Colombia ten que haber unhas condicións distintas. Todo o que se quixo medir electoralmente non chegou ao día das eleccións, matárono antes. Entón, na guerrilla pensan: "Que ganas teño eu de que me pase o que lle ocorreu á xente do M-19, da fronte patriótica, do Partido Comunista?". Nun ano ano mataron máis de cinco mil persoas e tres candidatos presidenciais.
Vieiros: Cal é a saída a este conflito?
David Nieves: Á guerrilla e ao goberno colombiano non lles queda máis remedio que un proceso de negociación. Son máis de 40 anos de guerra e non houbo avances substanciais. As FARC aumentaron o número de combatentes e o control de territorio. Podemos dicir que as FARC controlan Colombia. Bogotá, a capital, está rodeada polas FARC. Aguanta polo Exército que alí ten. Se de alí sae para combater coas FARC, Bogotá cae, porque o toma a guerrilla; iso sábeo calquera entendido da guerra.
Comentarios (18)
O nazismo segue ere que erre, mesmo cas estatísticas diante. NON SABEN LELAS (NIN QUEREN)
En vieiros teñen saído datos concretos: subida salario múínimo, etc.
NON Á XENOFOBIA NIN A COMENTARIS RAZISTAS!
O FASCISMO FOI VENCIDO E VOLVERÁ A SELO IRREMEDIABLEMENTE!
A pé desta información foi borrado un comentario:
En Vieiros cremos que a verdade non é propiedade de ninguén, senón que se constrúe entre todos. Por iso, tamén estamos convencidos de que a participación dos lectores e lectoras engade outro valor aos contidos informativos. Pero este xogo ten as súas regras. O insulto, as descalificacións persoais e a linguaxe despectiva atrancan a comunicación libre. O diálogo establécese sobre as ideas, non sobre quen as emite. Por esta razón, eliminaremos os comentarios que non favorezan a liberdade e o razoábel intercambio de opinións. En beneficio da participación e do debate.
Me desternillo da risa cando leo os comentarios destes DIPLOMATICOS A LA CARREIRA David Nieves e Pedro José Ugueto, Cónsules de Venezuela en Galiza. Xa que a ROBOILUSIÓN que vive este pais ten un corpo diplomático onde o único requisito que se esixe é un servilismo rastreiro. De credenciais académicas ou carreira diplomática. Nada de nada. Senón preguntenselo a Nicolás Maduro principal condutor dos autobuses do metro de Caracas. Perdón da política exterior de Venezuela. É triste recordar o bochornosa situación onde confundiu a capital do Brasil ou ao flamante embaixador de Venezuela en Portugal. O xeneral Lucas Rincon R. Famoso no 11 de abril de 2.002. Por dicirlle a Venezuela e ao mundo que Chávez renuncio. E ata os momentos foi castigado coa ratificación no seu cargo, posteriormente nomeado no Ministro do Interior e por ultimo flamante embaixador de Venezuela en Portugal. Todo isto. Por esconder a verdade? Por demostrar a súa valentía?
Novamente Vieiros busca a información onde só atopase respostas comprometidas. Señores. Se en Venezuela hai supostamente 180.000 Galegos e en Galiza hai miles de retornados e os seus descendentes e ata o presidente dos emigrantes retornados escribe neste medio. Por que non se lles pregunta a eles?
Novamente vemos declaracións onde se invoca o racismo en Venezuela e as acusacións sobre a comparación de Chávez cun primate. Señores todos os presidentes de Venezuela foron satirizados no seu momento. Son amplamente coñecidos os seus imitadores e os cualificativos que tiveron. Non pretenderá un presidente como Chávez que ten 10 anos insultando a Raimundo e a todo o mundo sexa respectado cando el non respecta a ninguén.
Venezuela tivo presidentes. Tan morenos como Chávez, tan glotones como Luís Herrera (Comedor de Torontos), orfos como Caldera, fillos naturais como Lusinchi (Moi amigo da bebidas espirituosas), Fillos de estranxeiros como Leoni, Cunha cute terso como o de Betancour (picado de vexigas) e Carlos Andrés que non se graduó en ningunha universidade e ata se dubida que é Venezolano. É máis, Todos os presidentes venezolanos desde Pérez Jiménez naceron na provincia e non proveñen de familias precisamente oligarcas. Pola contra Chávez é fillo de funcionarios públicos (educadores). O seu pai foi funcionario (Director dunha zona educativa) e membro do partido Social Cristián COPEY (Unha sorte de PP Venezolano). E el do mesmo xeito que algúns dos seus irmáns, puido estudar en centros educativos e universitarios públicos na cuarta república.
De tal xeito que pretender vender a idea do racismo en Venezuela non é máis que ese xogo que intentou o goberno para dividir a sociedade en grupos para que non se cohesionen ante o goberno máis rico da historia de Venezuela. Pero lamentablemente o máis corrupto, criminal e incompetente desde a independencia.
É patético que se fale de torturas no estranxeiro e a este funcionario pásenlle por encima as torturas contra os disidentes en Cuba ou na DISIP de Venezuela. Isto sen destacar que os mortos nos cárceres Venezolanos que durante o 2.007 superaron á sumatoria de todos os mortos dos cárceres de Hispanoamérica. E que no que vai de 2.008 só nun estado como Carabobo van 170 asasinados en xaneiro, 154 en febreiro, 176 en marzo e 141 en abril. Iso se é revolucionario verdade? Non en balde somos o primeiro comprador de armas do Latinoamérica e o país co índice de mortes por armas de fogo máis alto do mundo. Isto non é máis que o produto de 10 anos de corruptocracia e fomento da división dos venezolanos. Para Chávez é máis fácil buscar sempre un inimigo que asumir unha responsabilidade. En Venezuela todo se arregla echándole la culpa al imperio. O que lle falta a Chávez é dicir que Marisabel divorciouse por ordenes da CIA.
Chávez e Colombia. Parecese que a estes “diplomáticos” esquéceselles que a consecuencia dos famosos computadores subtraídos a Raúl Reyes. Ao goberno non lle quedou outra que recoñecer que se coñecía todo o alto secretariado das FARC por parte de Rodríguez Chacin (ministro do goberno) que coa maior desenvoltura do mundo recoñeceu que non só tiña dobre identidade senón que lle brindo apoio á familia de Rodrigo Granda facilitándolle documentación e loxística cando supostamente o goberno Venezolano descoñecía a presenza deste guerrilleiro no país. Con documentos Venezolanos e ata inscrito no CNE. Cantos máis existirán? E non quedándose con iso, a confirmación (nos computadores) de algo que sabía todo o mundo, que os militares e a enxeñeiro de PDVSA asasinados no Estado Portuguesa efectivamente foi realizado polas FARC. A pesar que o goberno pretendeu inculpar a outros grupos da subversión colombiana. Hoxe quedaron desenmascarados.
Se Venezuela financia ás FARC está por verse. Pero quen pode polo en dúbida despois do escándalo do maletín con 800.000 dólares incautado na Arxentina onde xa 4 persoas implicadas confesaron a participación do goberno Venezolano.
Vexo ben que VIEIROS recoñeza que o goberno de Chávez é mal visto en Galiza e Europa, imaxínome que tamén hai outros que pensan o contrario. E os Galegos de Venezuela que opinan? Eles son os que padecen ou gozan as bondades do goberno ROBOILUSIONARIO. Porque VIEIROS non lle pregunta a estes funcionarios os motivos polo cal moitos pensionados (entre eles galegos) cando se lle suspenden a pensión pasan ata 3 anos para que lla restitúan isto sen falar dos retiros unilaterais por parte do IVSS dos montos depositados a pesar que o asegurado entregou os recaudos de forma oportuna. Por outra banda. Porque non se lles pregunta a estes funcionarios a esixencia dunha FE DE VIDA aos pensionados cada 3 meses cando en España se solicita de forma anual. Isto sen falar que as pensións son miserables e non se lles garanten os tratamentos médicos ás persoas. E porque non lle preguntan se a LISTA TASCON non é un instrumento fascista e antidemocratico co cal perséguese á disidencia.
Para rematar hai unha cousa que dá risa. Chávez vive falando pestes de Estados Unidos. Pero resulta que antes e agora é o principal cliente do petróleo Venezolano. É máis, Venezuela ten refinerías e redes de distribución en USA. De tal xeito, que se alguén ten un tratado de libre comercio con USA é Venezuela. É máis, é que ninguén lles dixo que un dos principais vendedores de alimentos e insumos a Venezuela é o mismísimo imperio. Para que se decaten. Con todo e que Chávez tivo os maiores ingresos na súa historia nunca máis que agora somos dependentes do exterior para adquirir alimentos. Se a escases de leite é porque a xente consome máis. Porque razón os percentiles de crecemento dos nosos nenos caeron e o repunte de enfermidades asociados á malnutrición é evidente.
Por certo, dise que hai intelectuais de dereita e medios que crean matrices de opinión contra o goberno venezolano. E eu pregúntome, o goberno venezolano non financia a intelectuais de esquerda e crea medios de comunicación para manipular tamén.
Correción: COPEY=COPEI
http://www.partidocopei.org.ve...
Sr. COUTOVEN
Calquera proceso de recollida de sinaturas precisa dunha comprobación para que, como pasa aquí en Galiza, non voten/asinen os mortos ou personaxes da factoría Walt Disney.
Tamén os de Galiza Bífida recolleron sinaturas contra o decreto do galego no ensino, e entre os ilustres persoeiros que se adheriron (co seu respectivo número de DNI) estaban Francisco Franco Bahamonde, Chiquito de la Calzada e Afonso Daniel Rodríguez Castelao, por pór un exemplo.
A Lista Tascón non é máis que outro instrumento da contrarrevolución para desestabilizar o sistema democrático venezolano. Un episodio sobredimensionado pola prensa afín á oligarquía; un outro novo atentado de terrorismo mediático.
lín onte o artigo de cabeceira e botei de menos a participación do cidadán coutoven.
cóño, e éste valuarte da emigración dónde andará?, pensei por un momento, antes de sumerxerme, de novo, nas miñas cousas e quefaceres.
marchei a santiago e, mentras conducía pola autoestrada, temín que esa terrible dictadura de zambos e mestizos, embutidos en camisas roxas que agarran malamente panzas malalimentadas, o tivese encarcelado como fai con canto demócrata e cabaleiro osa porse diante dos desexos do insidioso e criticado presidente-que-en-la-década-de-los-noventa-encabezó-un-cruento-golpe-que- costó-la-vida-a-blablabla-mientras-que-él-blablabla-se-rindió-cobardemente-y blablablá.
colixo, para tranquilidade da comunidade galega nas galicias e da galega nas venezuelas, que este esforzado cronista segue tan libre coma sempre, pois para nada mudou o séu discurso habitual e, anque sí afinou un tanto o estilo errático ao que me tiña acostumado, de novo véxome na necesidade de, afablemente e baixo a miña modesta opinión, negarlle calquera tipo de profundidade política os séus abundantes datos e diatribas en contra do movemento v república, así como a recordarlle que corresponde máis o goberno da república bolivariana, representante electo da vontade popular maioritaria, que ós lectores de vieiros ou a eses supostos 180.000 galegos residentes ( que me resisto a denominar co epítome empregado por certo poeta de celanova cando, cheo de ilusión, foi a sondear a súa ideoloxía e ós que o actual censo de votantes deixa en " soio " 33.443 ) designar os cargos diplomáticos que representan o estado sudaméricano no exterior.
#3
1. Respecto ao tema do racismo, os señores venezolanos falan do que hai nos medios europeos e norteamericanos, non do escarnio e maldicir (común en todos os pobos do mundo cara aos seus persoeiros públicos) que poidan facer os venezolanos do seu presidente. (De feito, eles mesmos chámanlle feo)
2. Respecto a: "De credenciais académicas ou carreira diplomática. Nada de nada. Senón preguntenselo a Nicolás Maduro principal condutor dos autobuses do metro de Caracas. Perdón da política exterior de Venezuela."
Ese comentario clasista descalifícao por completo a vde., señor don Coutoninguén.
4. Respecto ao de Colombia: Un só exemplo, actual, de hoxe (hai moitos máis, pero non teño nin tempo nin ganas de procurarlle todas as ligazóns) http://www.rebelion.org/notici...
e 5. Emigre a Estados Unidos, señor, que lle é o Paraíso na Terra.
Xa que esquecín o punto 3:
"E eu pregúntome, o goberno venezolano non financia a intelectuais de esquerda e crea medios de comunicación para manipular tamén".
Ten razón, señor, va seguro que a calefacción de Vieiros usa petróleo venezolano financiado por Hugo Chávez (ou polas FARC).
La redacción de Vieiros eliminó un comentario en el que se criticaba la dictadura venezolana y el enriquecimiento ilícito de familiares y amiguetes del gorila rojo. Esta misma redacción, que mantuvo en su día durante varias horas un artículo que hacía apología del terrorismo, utiliza nuevamente un doble rasero que la identifica perfectamente como lo que es, un medio al servicio del poder que lo mantiene.
¡¡¡VIVA VENEZUELA LIBRE!!!
¡¡¡NO A LA DICTADURA CHAVISTA!!!
¡¡¡NO AL GOLPISTA!!!
Hala, eliminad esto también...
Home gaivotas, ti por aquí outra vez. E á mesma hora de onte. Debe ser no momento que a túa nais che deixa conectarte a internet, ou falo á agochadas???
Sigamos propoñendo cousas para as que podes ser útil:
-Levarte a unha reunión da comunidade veciñal; en tres minutos temolo insultando a todo o vecindario e disolvendo a reunión por antidemocrática. Perfecto para que non te volven a convocar a unha ou te propoñan a cargo algún. Sempre podes ameazar dicindo que o gaivotas vive contigo.
Gaivota, non berres que estamos de resaca.
#9 Certo. Elimináronche un comentario. Eu lino e non era nin mellor nin peor que o resto. Era un máis.
Pero que esperabas?
Nas ditaduras de dereitas se prohiben as opinións dos que non pensen como eles e nas de esquerdas tamén pasa o mesmo. Non van ser máis "bos" os uns que os outros.
As persoas astutas saben expor a súa opinión en calquera situación.
Ti fas como Jiménez Losantos que non sabe manter as formas e gústalle tanto insultar que xa non sabe a quen insulta. Só fáltalle pór a parir a Rouco Varela.
Estamos nun país libre. E ti es libre de pór o que queiras e Vieiros, que é o dono desta web, é libre de quitarcho e ti tesche que aguantar.
Non tiñas un blog onde podías pór o que querías e eras ti o dono e señor? Vaiche e resucítao.
Toma. Envíoche unha recordo da situación actual do teu partido, que ten o corazón partido.
http://www.losgenoveses.net/Ra...
Home eu non pretendía perder o meu tempo respondendo certos comentarios xa que as respostas sempre son as mesmas. Ou descualifican ou simplemente unha lapidaria incapacidade para refutar con probas, cifras ou algo que demostre que o que un di é certo. Noutros casos vemos análises como o de BALTAR 69 onde certa mente critica a falta de ortodoxia lingüística. A cal é verdadeira pero explicable. Simplemente, en Venezuela non existían escolas onde puidésemos escribir no noso idioma galego. Polo tanto, non me queda outra que escribir en castelán e traducir co auxilio do computador, dicionario e os meus imperfectos conhecementos do galego que me ensinaron os meus pais e a miña contorna desde a infancia.
E atendendo ao feito que el señor BALTAR 69 descoñece certas cousas. Aclarolle, non critico ao Movemento Quinta República (MVR). Xa que parece que o cidadán descoñece que o partido en cuestión xa non existe. Se cabaleiro non existe. Simplemente porque o noso comediante en xefe pretendeu que todas as formacións de esquerda suicidásense e pasasen a formar parte de PSUV. Por suposto nin o PCV e outros partidos con dilatada traxectoria no país non accederon a este capricho.
Outra imprecisión do cabaleiro, é que segundo el, son só galegos os que aparecen no censo de votantes (33.433 persoas). É dicir, os nenos, as esposas e esposos non galegos, os netos sen dereito a voto ou simplemente os non inscritos non son galegos polo simple feito que non votan. Con todo iso é máis que coñecido que logo de Arxentina somos a segunda comunidade galega en Iberoamérica.
E aclárolle ao señor BALTAR 69 dúas cousas. En ningures preténdese sinalar “por ilóxico” que o corpo diplomático Venezolano en galiza sexa elixido pola nosa comunidade. Iso é potestade do goberno de onde provén o diplomático. O único que lle queda ao país receptor do funcionario é aceptalo ou non e punto. Con respecto a Celso Emilio Ferreiro é bo que se aclare. Aínda que o titulo do seu libro “Viaxe ao país dos ananos” é un descualificativo para algúns, unha imprecisión para outros. Sería bo que lea os comentarios respecto diso de Xose Manuel Beiras T. Por outra banda, o dito por Celso Emilio Ferreiro tiña un destino moi específico e respondía a unha realidade da nosa comunidade nunha Venezuela ben distinta. É dicir, o titulo só serviría nestes momentos para ofender e descualificar a quen non comparta fanática idolatría a un ditador iberoamericano disfrazado de prócer socialista.
Con respecto á súa maxestade XACATACA. Dígolle o seguinte. En Venezuela non utilizamos palabras como Don. Iso tescho que calar ti. Xa que en España e Galiza se tes aristocracia e realeza á cal renderlle pleitesía. Cando tivemos a necesidade de sacudirnos a un ditador fixémolo e farémolo. Ti podes dicir o mesmo? Ho virasme co conto da memoria histórica e o retiro de símbolos Franquistas. Valente actitude logo de décadas da morte do caudillo.
E aclároche. Nicolás Maduro é o que é. “Canciller de Venezuela”. Un diplomático á carreira, xa que carece de carreira diplomática que o capacite para exercer a representación dunha nación. Na maioría dos países decentes e verdadeiramente democráticos, este cargo está reservado a persoas con formación. Para acceder a un cargo desta xerarquía teñen que haberse desempeñado previamente funcións no Ministerio de Relacións Exteriores e responder a un lineamiento xurídico. Dá pena ver o espectáculo de mediocridade cando o comparas a un Celso Amorim. É patético que por ignorancia non se asista a unha reunión en Brasília xa que o infeliz cría que Sao Pablo era a capital do Brasil.
http://vascaino.blogspot.com/2...
E aclárolle a Xacataca que non se a Vieiros páguelle a calefacción a Venezuela. Pero quen le o apartado dedicado a GZ EXT dedicado a este pais ten que encherse de suspicacias.
Que hai intelectuais tarifados Tes dúbidas? Douche só dous. O filosofo Juan Carlos Moedeiro. Asesor de Gaspi (EU) ou Pascual Serrano, quen é un especialista en falar en contra dos medios controlados polo imperio e terrorismo mediático. Do mesmo xeito que se desgarra as vestiduras falando de medios independentes. Pero non di para nada que é empregado de Tele Sur o cal garante a súa independencia e obxectividade. Quen financia a Tele Sur?
http://es.wikipedia.org/wiki/P...
Señor GAVIOTERO cun gran respecto agradeceríalle que non proferise insultos nestes foros. É máis, exponse a ser denunciado ante a asociación protectora de animais. Saiba, que os GORILAS están profundamente indignados ao pretender comparalos vostede con Hugo Chávez. É máis, exponos ao desprezo e a burla da comunidade selvática. Xa que eles non utilizan armas de fogo nin dan golpes de estado e moitos menos son consumidores de coca. Xa sexa en follas ou pasta. É máis, consideran que se hai algún animal, alimaña ou cousa que poida ser comparada con Chávez. Esta debe estar extinta desde fai séculos. Por exemplo o TIRANOsaurio e só polas seis primeiras letras do seu nome.
Sr. COUTOVEN
Fóra de que é vostede un racista, un clasista e -pola deriva que levan os seus comentarios- pode que, aínda sen vostede sabelo, un fascista; fóra de todo iso, non di máis ca sen sentidos.
De que me fala con iso do "Don", a "pleitesía" e non sei que outros farrapos de gaitas?
Unha outra dúbida que me ronda pola testa: Non serán vostede e Gaviotero un mesmo ente alieníxena?
Lo que soy es antiestupido. Y por eso no perdere mi tiempo dandole mas respuestas. Pobre pseudocomunista. que no le importa cuanta sangre pueda existir en las manos de su idolo. Mientras diga que es socialista.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto