Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Fútbol de veteranos

Fran, a súa remontada e a selección española

O deportivista axudou a que o combinado estatal de fútbol indoor (o que se xoga sobre moqueta, e onde se marcan ducias de goles) gañase a Eurocopa.

Redacción - 12:25 02/06/2008

Nunha final axustada, a selección estatal de futbolistas veteranos conseguiu meter no peto a Eurocopa, após gañarlle a Rusia por 11-10.

O combinado estatal tivo que remontar un partido que os rusos, encabezados por Valery Karpin, querían facer seu, adiantándose no marcador de seguida (aos 14 minutos de xogo xa ían 0-4). Na segunda metade, cando os rusos gañaban por dous goles, chegou Fran, e a súa zurda, e igualou o marcador. A piques de terminar o encontro, no tempo de desconto, Fran volveu aparecer para non desaproveitar a oportunidade de igualar, mais unha vez, os goles de Rusia. Nos dez minutos de prórroga que viñeron despois chegou o gol do desempate, o 11. Fran foi escollido como o mellor xogador do torneo.

Despois de Rusia quedou Portugal, seguida de Italia e Holanda.

E tamén... a I Copa Estatal de Fútbol Indoor
A primeira Copa Estatal de Fútbol Indoor hase desenvolver os vindeiros días 5 e 6 de xuño na Coruña, no Pazo Municipal dos Deportes de Riazor. Neste torneo enfróntanse o Deportivo, Real Madrid, Barcelona e Valencia , os catro primeiros clasificados, por esta orde, na I Liga Estatal de Fútbol Indoor.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: