Vieiros

O actor Carlos Blanco vai ser o árbitro total do I Campionato de Futbolín Cidade de Ourense que comezará o vindeiro sábado 21 de xuño na cidade, por volta das 11:00 horas da mañá, co control dos participantes, entre os que se repartirán (pero só entre os que gañen) os 4.000 euros que hai en premios.

Polo medio vai haber paparotas varias, e de noite, cando se saiba dos gañadores, comezará un concerto no que estarán, ao vivo, a Banda Potemkin, Os Tres Trebóns e Dj Marcos Payno, membro de Galegoz.

Quen queira participar non ten máis que inscribirse (até o 18 de xuño), e aparecer no día no Pavillón dos Remedios, onde se ha desenvolver o torneo. O prezo da inscrición: 20 euros por parella, e inclúese o xantar e unha camisola conmemorativa, de regalo. O campionato está organizado pola Agrupación Cultural Auriense, e para máis información, pódese chamar ao teléfono (móbil) 672 336 955.