Vieiros

A cifra total de desemprego en Galiza pecha o mes de maio cun total de 156.779 persoas sen traballo. O balance do mes amosa un descenso en 2.970 persoas das listas de desemprego, un 1,86% menos ca no mes anterior. En abril, o paro quedara en Galiza en 159.749 persoas, o que xa indicaba un pequeno descenso con respecto a marzo do 0,27%, daquela con 431 parados menos.

No mesmo período, o conxunto do Estado chega ao mes de xuño con 2.353.575 persoas en situación de desemprego, segundo os datos do Ministerio de Traballo. Isto supón un aumento de 15.058 persoas respecto do anterior mes, un incremento do desemprego do 0,6%.