Vieiros

Son 54, os máis na Coruña (23), algo menos en Lugo (12) e Pontevedra (11) e, paradoxalmente, en Ourense apenas 8. En todos estes concellos hai algunha rúa chamada 'Curros Enríquez' e a todos eles a Fundación que leva o nome do autor convídaos a realizar este xoves unha lectura conxunta do poema Cantiga, popularizado como Unha noite na eira do trigo. Será este xoves 5 de xuño porque é cando fai o aniversario do primeiro texto composto polo autor, o poema que se lerá.

Na iniciativa, denominada 54 rúas cantan a Curros, participan moi especialmente os concellos ourensáns: A Rúa, Celanova, O Barco de Valdeorras, O Carballiño, Ourense, Pobra de Trives, Verín e Xinzo. A lectura simultánea do texto comezará ás doce do mediodía.