Vieiros

Vieiros de meu Perfil


Edición xeral

RSS de Edición xeral
SOLICITA O SOBRESEMENTO DA CAUSA

A Fiscalía non ve irregularidades na adxudicación da Autovía do Barbanza

O PPdeG mostra o seu malestar coa decisión do ministerio público e fala de "anomalías" na investigación.

Redacción - 18:20 10/06/2008
A Xunta xustifica as melloras na vía para mellorar a seguridade

A Xunta xustifica as melloras na vía para mellorar a seguridade

Non hai indicios que fagan sospeitar de que houbo ilegalidades na adxudicación da Autovía do Barbanza. Iso é o que afirman dende a Fiscalía Superior de Galiza. Dende o ministerio público solicítanlle ao Xulgado de Instrución número 2 de Compostela que desestime a causa presentada polo PPdeG contra a Consellaría de Política Territorial.

A formación conservadora presentou no seu día unha querela porque entendía que podían terse delitos de prevaricación e de tráfico de influencias. No escrito, imputábase a dous directores xerais, un subdirector xeral e unha xefa de servizo da consellaría.

O PPdeG ve "anomalías" no proceso xudicial
O voceiro dos populares no Parlamento, Manuel Ruíz Rivas, sinalou que, aínda que “respecta” a decisión da Fiscalía, ve “anomalías neste proceso”. Segundo o PPdeG, as formas que utilizou a Fiscalía para a investigación foron estrañas. Como exemplo sinala que houbo tres fiscais distintos á hora de interrogar aos catro altos cargos de Política Territorial denunciados. Nas filas conservadoras tampouco gustou nada que a Fiscalía fixese un comunicado público sen antes trasladarlle ás partes a decisión.

Pero Ruíz Rivas foi máis aló ao dicir que non lle sorprende a decisión porque “aínda que o ministerio fiscal debe defender os intereses do Estado, moitas veces parece que defende os do Goberno”.


5/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: