Vieiros

Vieiros de meu Perfil


Edición xeral

RSS de Edición xeral
Este sábado nas principais cidades do país

Amarante e Verdegaia apostan por unhas Olimpíadas Limpas

Os dous colectivos desenvolven unha acción cívico-lúdica aberta a todo o mundo onde, entre outras cousas, han coser balóns, como fan as crianzas en Beixín.

Redacción - 18:35 19/06/2008
Cartaz anunciando as Olimpíadas Limpas en Compostela

Cartaz anunciando as Olimpíadas Limpas en Compostela

A ONG Amarante e Verdegaia organizan para este sábado unhas Olimpíadas alternativas, limpas, a menos de dous meses de que comecen as oficiais en Beixín. Enmarcadas na Campaña Xoga Limpo, chegan días despois de que varios activistas percorresen as cidades galegas portando o facho olímpico para tirar luz sobre o mundo escuro da explotación laboral que está instalada tamén na China.

As Olimpíadas Limpas han comezar o sábado ás 11:00 horas en varias cidades galegas (na Praza do Toural, en Compostela; na Praza da Constitución, en Vigo; na Praza da Ferrería, en Pontevedra; e no Xardín do Posío, en Ourense), e nelas hanse desenvolver diversos xogos que constitúan unha Olimpíada Limpa, e sobre todo, diferente da que que está a piques de comezar en Beixín.

Haberá birlos, tomboleiros, obradoiros de confección de balóns, carreiras solidarias, xogos malabares, teatro improvisado, postos de información e mesas para a degustación de produtos pertencentes ao Comercio Xusto, entre outras cousas. Estas Olimpíadas están cargadas de simbolismo e denuncia, e a través delas quérese evidenciar a carencia de dereitos sindicais en moitos países (tamén na China), onde se están a instalar filiais de fábricas pertencentes ás multinacionais do deporte, que se amparan nunhas leis laborais que non protexen os traballadores.


4.56/5 (9 votos)

Novas relacionadas


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: