Vieiros

Vieiros de meu Perfil


Edición xeral

RSS de Edición xeral
ESTE SÁBADO

A Coruña maniféstase para salvar a Ría do Burgo

Pediuse a fin dos verquidos e a recuperación dos bancos de marisqueo.

Redacción - 10:26 21/06/2008

A Ria do Burgo atópase desde hai anos nun lamentábel estado de contaminación. Ademais do tremendo impacto ambiental que esto implica débense ter en conta as negativas repercusións sobre a actividade pesqueira e o turismo. Nas últimas semanas viñéronse sucedendo as iniciativas cidadás e políticas, no parlamento español da man de Gaspar Llamazares (IU) e Francisco Jorquera (BNG), no parlamento europeo a través de Willy Meyer (IU) e nos concellos da comarca coruñesa a través de mocións presentadas principalmente polos nacionalistas, e aprobadas de xeito unánime en case todos os lugares.

Pídese a aplicación da lei para identificar e deter os causantes directos e indirectos de verquidos á Ría, a finalización do proxecto integral de saneamento, a posta en funcionamento da EDAR de Bens, a definición consensuada coas asociacións de marisqueo dun plano de rexeneración medioambiental de limpeza integral da Ría do Burgo e a propia recuperación dos bancos de marisqueo.

Este sábado, as entidades que fan parte da Plataforma en Defensa da Ría do Burgo, organizan unha manifestación para exixir o cumprimento destas medidas. A marcha partirá ás sete e media da tarde dende a Praza da Palloza da cidade herculina. A Plataforma está formada, entre outros, por Adega, a Confraría de Pescadores da Coruña, BNG, EU, NOS-UP, CIG, CXT e unha ducia de organizacións veciñais.


4.89/5 (9 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: