Vieiros

Vieiros de meu Perfil


Edición xeral

RSS de Edición xeral
A PERDA DE FALANTES CONTINÚA

A Mesa di que só un 35% dos mozos fala habitualmente na lingua do país

O responsábel da Mocidade pola Normalización di que a ruptura da transmisión interxeracional está a acelerarse.

Redacción - 19:33 01/07/2008

O responsábel da Mocidade da Mesa pola Normalización Lingüística, Fran Rei, alertou este martes de que a desgaleguización segue avanzando imparábel entre a mocidade. Segundo Rei, o número de mozos que falan habitualmente a lingua do país non chega ao 35%. Pola contra, subliña que na última década aumentou case dez puntos o número de mozos que só empregan o castelán.

Logo de comparecer diante dunha comisión parlamentaria que está a analizar o cumprimento da lexislación de normalización, Rei aseguroulle a Europa Press que a xeración actual “é a primeira que xa non ten a lingua galega como lingua habitual nin como primeira lingua” e afirmou que os datos que manexa a Mesa “evidencian unha ruptura cada vez máis acelerada da transmisión interxeracional”.

Dende A Mesa sosteñen que, contra a crenza de moitos, entre a xuventude aínda persisten moitos tópicos como os que asocian aos galegofalantes con “xente que vén da aldea ou que ten unha filiación nacionalista”.


5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: