Vieiros

Vieiros de meu Perfil


Venezuela

Edición xestionada por Xurxo Martínez Crespo
RSS de Venezuela
Sergio Guzmán, dirixente do Polo Democrático de Colombia

"Non son claras condicións de liberación de retidos polas FARC"

Alerta de que a liberación se presentará como un triunfo de Uribe e, ao igual que Evo Morales, considera que a operación puido ser unha liberación voluntaria por parte das FARC.

Redacción - 10:43 03/07/2008

A xuízo do dirixente do Polo Democrático, Sergio Guzmán, non son claras as circunstancias nas que se logrou a liberdade de Ingrid Betancourt e outros 14 retidos das FARC, polo que, sinalou, xorde a hipótese de que non foi rescate senón liberación.

"Teño a dúbida de que ese aparente éxito dun rescate militar non é do todo certo. Temos coñecemento desde a semana pasada de que o goberno autorizara o dialogo entre delegados de Suíza e Franza, coa mediación de países americanos, para que se reunisen co novo xefe das FARC. Unha vez ocorre ese encontro, dáse a liberación dos retidos", recordou Guzmán.

Neste sentido, avalou a hipótese do presidente de Bolivia, Evo Morales, quen sostivo que a operación non foi un rescate, senón unha liberación voluntaria por parte das FARC.

Finalmente, Sergio Guzmán advertiu que só o tempo "dará a coñecer a verdade" e que polo momento os medios oficiais colombianos presentarán a liberación como un triunfo máis, do presidente de Colombia fronte ás FARC.


4,33/5 (6 votos)