Vieiros

O Club Alquimia de Carral competiu, a pasada fin de semana, no seu primeiro torneo internacional, o International Skate Team Trophy 2008, que se desenvolveu na vila italiana de Riccioni. Presentábanse a concurso coa coreografía Vento, ideada pola súa profesora, Marta López.

Segundas foron outras galegas, as patinadoras do CD Fontiñas, de Compostela, que destacaron entre os clubes presentes no evento (o gañador foi o CPA Tona). As compostelás xa gañaran este ano o Campionato Galego de show (grupos grandes), e foran cuartas co grupo pequeno.