Vieiros

Sacha na Horta naceron hai un ano xusto, e fixeron o seu primeiro tema, Biocultivos, para A polo ghit 2007. Un mes despois de presentalo a concurso, proclamábanse vencedores e creadores da mellor canción daquel verán.

Logo chegaba o seu primeiro concerto (xa tiñan 10 temas máis), a viaxe a Cuba, de premio, e o seu videoclip.

Mais agora, 12 meses despois do éxito, e con xa algún concerto programado por aí para este verán, a banda que se definía como "un grupo de mulleres da compostelá rúa das Hortas", e que vivían na terra do sol (onde chovía, pero ía calor), volve ao punto de partida.

Velaquí o novo tema de Sacha na Horta, Que terá o L.K.?

Sabedes que o concurso xa está pechado, pero a sorte non está botada. Hai 82 temas (poderédelos escoitar todos, todos o sábado ao mediodía) e vós escolledes a metade dos dez finalistas, dos que saberemos o día 2 de agosto, sábado. Logo, aínda podedes seguir botando, deica o mércores 13 de agosto. Tres días despois coñecerase o nome da banda ou solista vencedor ou vencedora. Até daquela, sorte, e a polo ghit!