O 0,3% da luz do Sáhara podería abastecer de enerxía a toda Europa
A Unión Europea está a estudar a posibilidade de instalar un panel solar no deserto saharauí, o que permitiría reducir as emisións de CO2.
A idea baséase no aproveitamento da enerxía solar que se podería producir no Sáhara, facendo uso do poder do sol do deserto. Tal podería ser a potencia aproveitada nesta zona desértica, que un pequeno panel solar podería chegar a subministrar a toda Europa de electricidade limpa. Así o afirman os científicos do Instituto para a Enerxía da Comisión Europea, que veñen de participar en Barcelona no Euroscience Open Forum 2008 (ESOF).
Segundo os seus estudos, o sol do norte de África xera até tres veces máis electricidade da que se podería producir no norte europeo cos mesmos paneis. De aí a petición de que se constrúan grandes granxas solares, ben fotovoltaicas, ben con concentradores de calor que permitirían ferver a auga que, á súa vez, faría prender ás turbinas. A proposta contempla a creación dunha gran rede que transmita a electricidade ao longo de toda Europa, con cables de alto voltaxe e corrente continua, o que, ademais, permitiría a aqueles países que teñen exceso de enerxía exportala máis facilmente.
Cuestión política
Os principais problemas para poñer en marcha esta iniciativa é a construción desta rede de transporte eléctrico, o que implicaría un traballo de reestruturación de infraestruturas en moitos países. Os cálculos científicos falan de moitos anos e moitos cartos: a previsión fala de 450.000 millóns de Euros para que o sistema estivese operativo en 2050.
A proposta conta co apoio político do francés Nicholas Sarkozy e do inglés Gordon Brown, quen xa se apuntaron a esta modalidade de enerxía renovable. Argumentan que, con este sistema, se evitaría o impredicible do clima, xa que o sol brillará nunha das granxas solares, se non o fai noutra.
Ligazóns
Comentarios (6)
Concordo con que se aproveite a enerxía do Sahara, pero non estaría de máis que esa enerxía servise para abastecer de electricidade aos países limítrofes (boa falta lles fai), non a unha Europa que malgasta tanta enerxía.
Pero lembremos que grandes cambios sociopolíticos tiveron lugar coa aparición de novas fontes de enerxía (petróleo, nomeadamente). Será o Sahara o novo centro de producción de enerxía (limpa)?. Saberán isto os actuais gobernantes de Marrocos? ¿e os resistentes dos POLISARIO)
Neocolonialismo solar... Ambientalmente soa ben, politicamente é discutíbel... Unha cuestión: en vez de sementar bosques de plástico en Murcia e Andalucía, grandes consumidores dunha auga que non teñen, por que non se aplican o conto, que luz solar teñen a montes... En Galiza sabemos moi ben de que vai o colonialismo enerxético, pero eles venden froita de alto valor engadido sen pagar un peso pola auga... nós pagamos o kilowatio mesmamente como en Madrid. A ver se espertamos dunha vez!
Colonialismo puro e duro. Vamos a encher o Sáhara de paneis solares para abastecer de enerxía á derrochadora Europa, hala e os saharauís e demais veciños que? Se Europa precisa enerxía que a faga pero non a costa dos demais.
Estou a favor desta iniciativa. Por suposto tamén de que os paises onde se poñan saquen o beneficio que lles corresponde.
Aínda que penso que hai moitos intereses económicos en que estas cousas non vaian adiante. Moitas compañías que están facendo negocio co petroleo e co gas. Que por certo, estas si que están expoliando colonialmente os recursos de moitos paises.
Tamén habería que ser máis racionais, non montar negocios baseados na auga en sitios onde non a hai (como dixo DanielErreCe), non construir coches que poden ir a 200 km/h, etc.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto