Vieiros

Vieiros de meu Perfil


Edición xeral

RSS de Edición xeral
SEI O QUE...

Unha nova plataforma cidadá disponse a combater a colonización española con humor

'Sei o que nos figestes... nos últimos 525 anos' conmemora a execución de Pardo de Cela e o comezo da Doma e Castración do Reino de Galiza, rescatando o espírito da desaparecida Va-Ca.

Redacción - 19:30 29/07/2008

Cando a mocidade galega xa fala maioritariamenta castelán, celebra na rúa as vitorias da selección española de fútbol, ciclistas e modistas asinan manifestos "por la lengua común" e os fillos dos nosos próceres castelanizan os seus nomes para que os entendan no Starbucks, xorde (ou rexorde?) unha nova plataforma cidadá: Sei o que nos figestes... nos últimos 525 anos.

Nun manifesto "cruel e poderoso", como Pardo de Cela, lémbrase que se conmemoran os 525 anos da "doma e castración do Reino de Galiza". Seguindo a liña marcada polos desaparecidos Va-Ca, Ca-Ca, Aduaneiros sem Fronteiras, a Freac ou iniciativas máis recentes como Tan Gallego como el Gazpacho, Sei o que... abre tres anos para conmemorar (e bebemorar) a mitoloxía galeguista en clave pop.

A organización pretende usar as mesmas armas dos colonizadores: a prensa rosa e os programas do corazón, principais axentes españolizadores de hoxe en día, e centralizarase na web Seioque.com. O humor, a parodia, a substitución simbólica e o surrealismo político serán o seu castelo fronte ao pequeno-imperialismo, segundo contan no seu manifesto.


4.72/5 (36 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: