Edición xeral
Non se acelerará a reforma do voto emigrante para suprimir a fraude antes das eleccións galegas
O goberno español refírese á suposta "complexidade técnica" de que os emigrantes voten en urna, fala de realizar "unha reflexión distendida" sobre o asunto e insinúa un futuro voto electrónico.
Non hai présa para resolver o conflito sobre o voto dos residentes ausentes, segundo se desprende da comparecencia este mércores no Congreso de María Teresa Fernández De la Vega, vicepresidenta do goberno español. De la Vega mesmo reprochou que a iniciativa aprobada unanimemente polo Parlamento en Galiza é unha "lei que pensa nas eleccións galegas", insinuando que non haberá ningunha présa especial para resolver o problema debido á proximidade destes comicios.
Na súa intervención, De la Vega admitiu que o executivo do que forma parte non presentará ningún proxecto de lei ao respecto nos próximos meses e concedeu que convocarán os grupos políticos ao "diálogo" sobre o tema. Un diálogo no que, segundo debullou a vicepresidenta, o voto en urna dos emigrantes será unha faragulla máis dentro do conxunto de reformas electorais posíbeis sobre as que as forzas políticas veñen debatendo nos últimos meses.
"Non se poden esquecer os retos técnicos que esixen capacidade de adaptación e encontro das forzas políticas", xustificou a vicepresidenta, referíndose a continuación ao problema de levar urnas, papeletas e documentación ás 157 oficinas consulares que o Estado español ten en todo o mundo. Cara ao futuro, a vicepresidenta prognosticou que o voto electrónico podería ser unha solución para facilitar o sufraxio na emigración, malia ser aínda un sistema apenas experimentado no propio contorno do Estado.
"Coartada" para manter a cota de voto ao PSOE, opina o BNG
Con menos diplomacia, unha das voceiras do PSOE no Congreso, a deputada Meritxell Batet, xa avanzara hai dúas semanas na deputación permanente da Cámara baixa, que o seu grupo considera que o tema "non é urxente". Batet afirmara diante da incredulidade do resto de grupos pola dureza da súa intervención, que a proposta era "puro oportunismo político" e cualificáraa de "electoralista".
A posición dos socialistas foi criticada este mércores polo voceiro do BNG no Congreso, Francisco Jorquera, quen definiu a posición expresada por De la Vega de "coartada", recordando que o PSOE obtivo nos comicios deste 2008 o 65% dos votos na emigración, porcentaxe similar á que obtivera o PP na súa última lexislatura no goberno español. "Queremos crer que esa non sexa a verdadeira razón", insinuou Jorquera, sinalando o "dato obxectivo" desa tendencia do voto a ir cara ao partido que manexa os resortes consulares.
Comentarios (14)
De la Vega mesmo reprochou que a iniciativa aprobada unanimemente polo Parlamento en Galiza é unha "lei que pensa nas eleccións galegas". Manda caralho coa prepoténcia espanhola! Pois a soluçom é bem simples. Dado que a Galiza nom tem entidade dabondo pra eles, que nos reconheçam dumha santa vez o direito de autodeterminaçom e jà arranjaremos nós os nossos problemas.
A quem querem enganar. Levamos 20 anos co mesmo tema, e sempre coa mesma excusa: "como as eleiçons som inminentes nom dá tempo a cambia-lo". E como entre municipais, nacionais, estatais e europeas hai eleiçons cada ano, pois a seguir "pucheriçando". Que mal fariamos os galegos aos fados, que nos condenarom a ter amos e por riba ques estes foram os espanhois?
A caradura e prepotencia de De la Vogue é impresionante. A ver o BNG se espabila e dille NON aos presupostos, ou quere caer de novo na trampa de Magadalena Álvarez? Nin transferencias, nin diñeiro, nin TAV, etc., cada vez con máis españolismo e tomando por parvos aos galegos en decisións unánimes do seu Parlamento SOBERANO.
O verdadeiro pucheirazo electoral está no feito de que os que deciden os representantes políticos dos galegos sexan persoas que na vida puxeron un pe en Galicia. Este é o verdadeiro escándalo. E disto non falan nin Touriño, nin Quintana, nin Feijoo. Todos aplaudindo coas orellas o feito de que elixan aos nosos representantes desde Arxentina ou Uruguai.
Se non estou trabucado quen governa en Madrid gaña sempre no exterior. Alegar complexidade técnica é inmoral en democracia xa que un representante público está obrigado a examinar a su conduta dacordo con criterios de xustiza, quer dicer,tentar minguar as asimetrías existentes no canto de adiar esa especie de colonialismo sui generis a costa dos de fora. Se queren argumentar en contra do voto dos residentes ausentes, que o fagan (fiscalidade,seguranza social,saúde... que significa afectar e condicionar a vida persoas dende a outra parte do mundo ou de Madrid) , mais abonda xa de tanta expoliación de soberanía (política e dos afectos). Amosar os condicionamentos implícitos en democracia pasa por convertilos en alvo dun proceso democrático transparente.E estes saben moi ben da interdependencia das xeracións de emigrantes, daí a abafante sensación de que se trata de mais unha instrumentalización para os seus intereses presentes. Noutras verbas, que deixen de empregar o voto emigrante coma reservorio de perpetuación da discriminación vencellada á condición de emigrante. Tendo en conta tamén a cantidade de emigrantes galegos no estado español, compriría activar ese contrapoder.Quenes teñen mais dereitos? A asimetría existente pasaria porque Gal arranxara un novo contrato social baseado nesta corresaponsabilidade interxeracional entre galegos residentes e ausentes.
MENTIRAS!!!! Os que vivimos longos períodos na emigración sabemos que é moi doado habilitar os centros de emigrantes para formar mesas. Os Consulados, especialmente o de Bos Aires, non queren traballar. Son funcionarios afeitos a facer o mínimo. Os cónsules sempre informaron que non é posible por razóns de espacio e de cantidade de votantes. MENTIRA. A maioría non irá a votar porque xa están mortos. Outros porque non lles interesa e os máis porque viven lonxe e teñen que pagarse a viaxe até ese Consulado.
Os centros galegos no exterior sempre ofertaron habilitar sedes. Ó PSOE non lle interesa, agora menos coa crise, depurar o padrón. O PP fixo desa práctica de voto por correo un ataque á verdadeira democracia.
VOTO EN FURNA APROBADO ANTES DAS PRÓXIMAS ELECCIÓNS. Caso contrario, fraude apoiado polo PSOE
Non é por tocalas napias alenmar. É unha cousa que vexo sempre que se fala do voto emigrante.
FURNA = COVA
URNA = URNA
Se imos pedilo voto en furna que sexa para todos, é un voto mais fresquiño ;-)
A furna é unha cova mariña (escura)e a urna é unha caixa que debe estar á vista e por tanto á luz. Se antes o PP non querían URNAS e agora é o PSOE será porque son favorecidos pola ausencia de LUZ. Parece mentira que esquezan todas as promesas e pensen só nos votiños que perden se hai urnas nos consulados. Os números son un manobra para escurrirse. Nas autonómicas están habilitados uns 330.000 galegos residentes fóra e co voto en urna poderían votar sen dificultade de acceso uns 300.000 (os outros poden facer uso do voto por correo). Meu DEUS...outra vez os recadadores polas rúas de Bos Aires xuntando sobres para levar a Correos coa papeleta de quen lles paga por recoller. O PSOE está cada vez máis á dereita e iso págase...perdendo o poder porque na dereita xa hai un partido que non oculta que defende os intereses dunha minoría.
A furna é unha cova mariña (escura)e a urna é unha caixa que debe estar á vista e por tanto á luz. Se antes o PP non querían URNAS e agora é o PSOE será porque son favorecidos pola ausencia de LUZ. Parece mentira que esquezan todas as promesas e pensen só nos votiños que perden se hai urnas nos consulados. Os números son un manobra para escurrirse. Nas autonómicas están habilitados uns 330.000 galegos residentes fóra e co voto en urna poderían votar sen dificultade de acceso uns 300.000 (os outros poden facer uso do voto por correo). Meu DEUS...outra vez os recadadores polas rúas de Bos Aires xuntando sobres para levar a Correos coa papeleta de quen lles paga por recoller. O PSOE está cada vez máis á dereita e iso págase...perdendo o poder porque na dereita xa hai un partido que non oculta que defende os intereses dunha minoría.
A furna é unha cova mariña (escura)e a urna é unha caixa que debe estar á vista e por tanto á luz. Se antes o PP non querían URNAS e agora é o PSOE será porque son favorecidos pola ausencia de LUZ. Parece mentira que esquezan todas as promesas e pensen só nos votiños que perden se hai urnas nos consulados. Os números son un manobra para escurrirse. Nas autonómicas están habilitados uns 330.000 galegos residentes fóra e co voto en urna poderían votar sen dificultade de acceso uns 300.000 (os outros poden facer uso do voto por correo). Meu DEUS...outra vez os recadadores polas rúas de Bos Aires xuntando sobres para levar a Correos coa papeleta de quen lles paga por recoller. O PSOE está cada vez máis á dereita e iso págase...perdendo o poder porque na dereita xa hai un partido que non oculta que defende os intereses dunha minoría.
Coincido con ALENMAR porque sabe do que fala. En Bos Aires e Montevideo pódense habilitar ducias de mesas electorais nos centros galegos dun día para outro. O mesmo en Rosario, Córdoba, Mar del Plata. Se falamos de 330.000 posibles votantes hai que axiña puntualizar que entre Arxentina e Uruguai suman máis de 150.000 que teñen un doado acceso aos consulados e centros galegos.
NON SE QUERE e punto. Adianto que novamente haberá recollida de sobres polos domicilios dos recadadores (non son axentes electorais porque non saben nada dos programas dos partidos)que gañan uns pesiños. Só hai recadadores do PP e do PSOE que cobran 5 dólares USA por sobre. O sobre é o que vale xa que na oficina electoral do partido que sexa...ábrese e se non leva a papeleta "correspondente" pois introdúcese e xa está. Un proceso moi LIMPO e DEMOCRÁTICO nun país europeo que coido ocupa o oitavo lugar do mundo na renda per cápita.
Quero afondar un pouquiño máis nos acertados comentarios de ARTIGUISTA porque fala dun tema que vén de levantar paixóns (a famosa axente electoral de Muxía en Bos Aires). Unha cousa son os que recadan SOBRES e outra os que recadan VOTOS. Os primeiros (A) son contratados puntualmente para que vaian polos domicilios dos emigrantes para recoller sobres que eles logo entregan na OFICINA PARTIDARIA CORRESPONDENTE.Os segundos (B)son totalmente legais e serían aquelas persoas que promocionan unha candidatura.Calquera pode pedir o voto para calquera partido. Se a promoción que se fai é ou non gratuita carece de interese. Agora ben...corresponde que faga unha aclaración para os desinformados ---que son moitos lamentablemente--- que mesturan todo. Non hai axentes electorais porque os partidos o queren é o sobre na man. Queren contar votos. Non queren pagar por facer campaña a favor senón por produto concreto. Se traes 10 sobres son mil pesos. A señora Blanco que din era axente electoral do alcalde de Muxía non o era. De ningunha maneira porque non tiña coñecemento da colectividade (non era coñecida porque non participou en ningún centro).Entón era só unha sinxela RECADADORA que cobrou por recoller sobres do PSOE (poucos por certo)e tamén de Terra Galega en Fisterra (sábese que o concelleiro García Pouso lle ofreceu 10 dólares por cada voto )
Aínda hai quen di que a reforma do voto emigrante non é URXENTE.
Digo eu en vez do voto en urna que xa me parece do máis arcaico, non sería máis sinxelo e máis seguro, que aos residentes no extranxeiro se lles dotase (igual que xa se fai aquí) dunha Documento de Identidade Electrónico, que conteña a asinatura dixital, e logo con ese Documento se achegase ao consulado ou centro galego, e a través dun ordenador conectado á internet poidese mandar o seu voto electrónicamente.
Moitas grazas Edreira polas correcións. Eu aprendín o galego na emigrazón hai xa ben anos e a Real Academia fixo máis mal o idioma ca min (ver como cualifican de hiperenxebrismos verbas que falaban os meus pais a cotío) Mais o importante é falar das eleccións e non do idioma. Pensa e mira o que opina Artiguista.
Os Cónsules, funcionarios do Estado, sempre opinan que non por vagancia. E o Estado fala de "razóns técnicas" apoiándose neses informes FALSOS OU INTERESADOS.
Non votarán tódol-os rexistrados no CERA. Ainda que debemos darlles a oportunidade que concurran, será imposible (os mortos seguro que non acudirán) Polo que compre aprobar, axiña, unha lei que dea lugar ó voto EN URNA. Non é o problema do electrónico. Esto complica e non soluciona os mortos, desinteresados ós que lles piden o carné, etc.
PSOE E PP non queren que se modifique nada. O BNG xoga co tema segundo os ventos atlánticos.
Seguido opinando, por favor. Mais nada de xenofobia nos comentarios. Unha aperta
Penso que é necesario centrar mais a cousa co voto exterior.
Hai que ter un primeiro punto de orixe. ¿En que eleccións poden votar?. Eu son partidario de que voten en todas menos nas municipais. A administración municipal é a que esta mais preto da xente, vivir, sentir e decidir no concello penso que necesita como mínimo ter unha relación de proximidade co Concello no que se vota.
¿E nas outras, vota toda a xente do exterior?. Non son partidario de limitar o voto da xente de fora, mais doutra banda o que non pode ser é que o voto sexa unha Santa Compaña que pasa de xeración en xeración. Penso que cando se modifique a lei deberiamos de ter un período transitorio de 5 anos mais ou menos no que poida votar toda a xente e despois debe limitarse o voto a xente do exterior que como mínimo estivera a derradeira vez fai dez anos no Estado español. Iso non supón discriminar ninguén, un cidadán que leve mais de 10 anos fora ten tódolos seus dereitos menos o voto, voto que pode recuperar por outros dez anos vindo a súa terra,
O voto en Urna, esta é a leria do demo, nin imos adiante, nin nada. Non teño ningunha dubida de que o voto ten que ser en urna, mais non solo en urna, tamén o voto electrónico. Hai unha cousa que levo oíndo de algunha xente cos colexios electorais no exterior e que non me gusta ren de ren. Os colexios teñen que estar nos Consulados, Embaixadas ou organismos estatais ou autonómicos públicos. Iso de poñer un colexio electoral nunha institución privada (Asociación) penso que e voltar as dubidas, o que se quere conseguir é limpeza no proceso, non meter dubidas no proceso electoral (Exemplo: A asociación x recibe unha subvención x da Xunta ou de quen sexa que vai a mais o ano das eleccións).
¿Cando se vota?, coa diferenza horaria tamén temos que ter en conta isto.
¿Quen é o depositario dos resultados electorais despois do reconto e cando se transmiten a Xunta electoral?. ¿Cando se fan públicos os resultados do exterior?. Non é sinxelo regular o tema, son moitas cousas nas que hai que poñer os puntiños.
Voto electrónico, xa vai sendo hora de que o Estado e a Xunta se poñan facer as probas necesarias para ver a fiabilidade e a viabilidade do proceso de voto electrónico. Eu son partidario do voto electrónico pero penso que a xente que entende mais de isto debería de darnos a súa opinión.
É fiábel o voto na internet co DNI electrónico?.
Necesitaríase unha IP estática ou dinámica?.
De que xeito se pode controlar a non suplantación, duplicidade, e moitas mais cousas do voto?.
O voto electrónico o que ten que permitir é votar dende a casa, moita xente no estranxeiro esta lonxe as veces dos Consulados ou das Embaixadas. A democracia faise mais grande cando vai mais xente a votar.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto