Vieiros

Ás 12 do mediodía do xoves rematou o prazo de votacións en A Polo Ghit, e xa se coñecen os primeiros finalistas, os escollidos cos votos do público. O empate técnico entre o quinto e o sexto clasificados fixo que a organización decidise que fosen seis e non cinco os primeiros finalistas. A eles sumaranse os outros cinco preferidos polo xurado, e que se farán públicos o sábado.

Por esta orde, Arroz, da Banda Potemkin, con 2.743 votos; Licor café, de Skándalo GZ, con 2.639; Planeta 19, de Boy Elliott & The Plastic Bags, con 1.883; Punteirolo pola escuadra, de Trapos sucios, con 1.810; Os dous amigos, de Roger de Flor, con 1.714, e Quente, de Sínefres, con 1.668, xa están máis preto de Luleå.