Franco resucita para ir de pinchos con Jimmy Giménez-Arnau en Meirás
A Comisión pola Recuperación da Memoria Histórica organiza unha brincadeira reivindicativa que terá lugar ás portas do Pazo de Meirás coincidindo coa voda de súa filla.
A Comisión pola Recuperación da Memoria Histórica (CRMH) organizou "unha concentración pacífica" ante as portas do Pazo de Meirás o próximo venres con motivo da celebración da voda de Leticia Giménez-Arnau Martínez-Bordiu, neta da filla de Franco, para solicitar "a devolución do pazo ao pobo" da localidade coruñesa de Sada.
Coa colaboración da comparsa coruñesa 'Os Maracos', os integrantes da agrupación escenificarán unha "voda" na entrada do pazo. "O caudillo volverá á vida e acompañará a noiva como padriño e estará escoltado por un destacamento da Garda Mora e será recibido á entrada do Pazo polo 'xefe nacional do Movemento Nacional', entre outras autoridades," explicou Manuel Monge, voceiro da CRMH.
Monge engadiu que ademais entregarán a cada un dos convidados un folleto informativo sobre a historia do Pazo de Meirás titulado 'O pazo de Meirás é o imposto revolucionario de 1938' para transmitir a familia "de xeito pacífico, que xa gozaron bastante del e agora deben devolvelo"; e que invitarán a tortilla e empanada "a todo o que queira acudir, aínda que será un menú moi diferente ao do interior".
Para iso informaron de que xa pediron permiso á subdelegación del goberno español na Coruña cun escrito no que no que se comprometen a non cortar o tráfico, nin impedir a entrada dos convidados á voda. "Queda claro que o obxectivo non é impedir ou boicotear a voda, senón reclamar a devolución do Pazo ao pobo", sentenciou.
Por outro lado, o voceiro da CRMH avanzou que están en conversacións co pai da noiva, Jimmy Giménez-Arnau "porque xa que non está invitado á voda oficial, quizais queira vir a esta porque ademais sabemos que está a favor da devolución", apuntou.
Así incidiu en que "é positivo" que a Consellaría de Cultura iniciara os trámites para declaralo Ben de Interese Cultural, pero "o importante é devolvelo ao pobo", para o que xa enviaron un documento á ministra de Administracións Públicas, Elena Salgado, para que pida a devolución e, de non o facer, advertiu de que iniciarán "as actividades xudiciais oportunas".
Comentarios (9)
Bem polo boicote (desculpem, reclamaçom), bem pola exigência da devoluçom ao povo o que o povo construíu e pagou; ainda que as formas e os referentes éticos e estéticos acho-os máis que discutíveis.
Algunos ya hemos superado el franquismo...
#2 Efectivamente... algúns o superan. Sempre hai xente batendo novas marcas.
ha ha ha, Spider: comentário óptimo!
haha, que haxa humor, e a ver se a xustiza remata con esa tomadura de pelo que supón a usurpación do pazo.
Supoño que tamén habería moitos nostálxicos do réxime da man dura que lle levarían o seu regalo a familia da noiva ainda que despóis pasen fame na casa.Seguro que algún que tanto fala aquí non durmiu en días pensando que regalarlle,(porque pazo xa teñen)
Ben por Gaviotero pois o acto fixo que declarara que con isto supera o seu franquismo ¿Non si?
Sei que o superou por mor da rabia que tiña cando se decatou que non foi convidado á voda "oficial". Din que o viron entre os que celebraban a voda dos Moracos...
Na parte seria os meus parabens á Comisión de Recuperación da Memoria
O Pazo deberia ser devolto O POBO e indennizar a aqueles que lle expropiaron as terras
Por moito que o intentten NON NOS VAN CALAR!!! Entra na nova web do sector maioritario de Terra Galega: http://www.terra-galega.org
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
GZ-Sete
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto