Vieiros

Vieiros de meu Perfil


Máis Alá

Xestionado por Vieiros
RSS de Máis Alá
en Boiro

Esmorga de balde no festival Sarabanduxa

Obradoiros, actividades, xantar popular e dúas noites de concertos na festa que organiza a asociación Aturuxo.

Redacción - 12:15 15/08/2008

Un ano máis volta o Sarabanduxa, o Festival de música e asociacións de Boiro. E xa van cinco anos que os colectivos e asociacións do concello de Boiro conseguen sacar adiante conxuntamente un festival para a mocidade da vila.

Este ano hai novidades interesantes, posto que a festa medra e pasa dunha xornada a dúas (venres 15 e sábado 16 de agosto). Tamén haberá servizo de noitebús, que fará parada diante mesmo das portas do festival, no bar Riazor (xusto enfronte do aparcadoiro de Praia Xardín).

Desde o venres 15 pola tardiña, a asociación Aturuxo de Boiro terá á disposición de todas as persoas que se acheguen unha barra e un posto de información. Á noite han actuar Chotokoeu, Duplo Son, Som do Galpóm e Lamatumbá.

As actividades para nenos e nenas comezarán na mañá do sábado, como tamén os obradoiros para todas as persoas que se acheguen. Haberá xantar popular de balde, con mexilloada e empanadas de carne, atún e vexetais.

Na tarde do sábado 16 desenvolveranse os obradoiros de maquillaxe de entroido, coiro, marionetas, meioambiente e crachás. A xente do centro Quérote repartirá información e material afectivo sexual. A partires das 19 horas abrirán os postos os colectivos e organizacións que participan na Mostra. Á noite virán as actuacións de Belfast, 8 Ferrados, Ataque Escampe e Jabón Blue.

Todo o mundo está convidado ao Sarabanduxa 08, non pode faltar ninguén!


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: