Vieiros

Vieiros de meu Perfil


Edición xeral

RSS de Edición xeral
A decisión electoral de Touriño

"Entre todos conseguimos que Touriño rectifique", analiza Feijoo

O líder do PPdeG repróchalle ao presidente da Xunta que introducise "unha forte incerteza sobre a estabilidade política" nun momento de crise económica.

Redacción - 09:00 29/08/2008

O recoñecemento que Emilio Pérez Touriño concedeu sobre as presións do seu propio partido, o PSOE, para realizar o adianto electoral, era destacado na tarde do xoves por Alberto Núñez Feijoo. O líder do PpdeG aproveitou para reflexionar que a simple existencia do debate sobre o adianto e as declaracións cruzadas de membros do Goberno confirmarían "que o Executivo non só se atopa dividido entre socialistas e nacionalistas, senón dentro dos propios socialistas".

"Toca falar de Galiza, intentar que saia da crise económica e buscar solucións razoábeis ante o reto do debate do financiamento autonómico", afirmou Núñez Feijoo, censurando a "incerteza" dos últimos tempos "nun momento no que a crise económica comeza a golpear duramente". Na opinión de Feijoo, o debate arredor da data das eleccións favoreceu a distracción da atención dos membros do Goberno "que deberían estar tratando de resolver os serios problemas que ten Galiza diante de si no canto de estar en debates partidarios estériles".


1/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: