Galiza gaña a primeira bandeira feminina da Concha
O equipo do noso país, composto por remeiras de Cabo de Cruz, Chapela e Samertolameu fixo historia en augas do Cantábrico, este domingo en Donostia.
O equipo 'Galicia' na súa presentación
O equipo Galicia, composto por mozas de tres equipo do país (os tres, por certo, os que coparon o podio no último campionato estatal, o Cabo de Cruz de Boiro, o Chapela, de Redondela e o Samertolameu, e Meira) impuxéronse nunha histórica I Bandeira da Concha Feminina, en augas de Donostia.
As galegas entraron por diante doutros equipos, máis acostumados a remar no duro Cantábrico, como a embarcación cántabra do Astillero, que foi segunda, e a vasca de Zumaia-Getaria, que foi terceira. Cuartas entraron as remeiras de Hondarribia.
Xa chegaban como favoritas, pero demostraron o que valen nunha bandeira que, tradicionalmente era dos homes, pero que dende este domingo tamén é das mozas, que agardan darlle continuidade, para que colla a sona que merece, despois dos 128 anos de historia da proba masculina.
Clasificación da regata:
1-Galiza 11:35,80.
2-Astillero 11:40,44.
3-Getaria-Zumaia 11:43,32.
4-Hondarribia 11:53,92.
Novas relacionadas
Comentarios (7)
Noraboa, campionas ¡¡¡¡
A Galiza mareira arrasando no deporte náutico.
Aí rapazas¡¡¡
Avante mozas, sodes unha campioas!
Comparade o beneficio social, deportivo, de país, de política de muller, de tradición e futuro, etc, etc, co que se padeceu na Ría de Vigo esta findesemana: a POWERBOAT, concurso de planeadores con "glamour". Foi unha lástima, mesmo unha vergoña. En fin, nada que ver co deporte de base, co deporte galego, coa potenciación da cultura e deporte náutico de Galiza, o respeito á imaxe da muller, etc, etc... cantos cartiños regalados ás "multinacionais" do motor.....
Noraboa campionas!! Foi estupendo vervos na tele gañando a bandeira da Concha, un orgullo enorme. Sodes un exemplo para todo o deporte galego. Felicidades!!
E ti, independentista619, menudo rollo soltas nunha nova que nada ten a ver coa túa película.
A pé desta información foi borrado un comentario:
En Vieiros cremos que a verdade non é propiedade de ninguén, senón que se constrúe entre todos. Por iso, tamén estamos convencidos de que a participación dos lectores e lectoras engade outro valor aos contidos informativos. Pero este xogo ten as súas regras. O insulto, as descalificacións persoais e a linguaxe despectiva atrancan a comunicación libre. O diálogo establécese sobre as ideas, non sobre quen as emite. Por esta razón, eliminaremos os comentarios que non favorezan a liberdade e o razoábel intercambio de opinións. En beneficio da participación e do debate.
Daba groria o ve-las bogaren pola mañanciña... guapas coma soles e bogaban como leoas.
noraboa!!
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto