Vieiros

Vieiros de meu Perfil


Edición xeral

RSS de Edición xeral
Crise en Bolivia

Os líderes latinoamericanos amparan "plena e decididamente" a Morales

A Unión de Nacións Sudamericanas aproba unha declaración de apoio ao goberno de Bolivia e a creación dunha comisión que investigue o masacre de Pando.

Redacción - 11:30 16/09/2008
Unasur condenou o ataque violento dos grupos opositores

Unasur condenou o ataque violento dos grupos opositores

Os países membros da Unión de Nacións Sudamericanas (Unasur) acordaron este luns á noite en Santiago de Chile (madrugada en Galiza) unha declaración de nove puntos onde expresan o seu apoio estrito ao goberno do presidente de Bolivia, Evo Morales.

Ademais, o documento contempla a creación dunha comisión que investigue a morte dunha trintena de persoas durante as protestas violentas dos opositores a Morales no Departamento de Pando.

Logo de seis horas de debates cos gobernantes de Arxentina, Brasil, Bolivia, Ecuador, Uruguai, Paraguai, Venezuela e o ministro de Exteriores de Perú, a presidenta de Chile, Michelle Bachelet, leu ante os medios a declaración subscrita por todos os mandatarios no Palacio da Moeda.

A declaración de Unasur sinala que os presidentes membros expresan o amparo "pleno e decidido ao goberno constitucional do presidente Evo Morales", que foi "ratificado por unha ampla maioría" no recente referendo.

"Unasur, máis consolidado"
"Advirten de que os seus respectivos gobernos rexeitan enerxicamente e non recoñecerán calquera situación que implique un intento de golpe civil, a ruptura da orde institucional ou que comprometa a integridade territorial da República de Bolivia".

E condenan o ataque a instalacións gobernamentais e á forza pública por parte de "grupos que buscan a desestabilización da democracia boliviana", exixindo a pronta devolución desas instalacións como condición para o inicio dun proceso de diálogo.

Ao termo da lectura do documento, Bachelet declarou que "Unasur fica máis consolidado". "É importante ter opositores, mais una oposición con proposta. O que pasou nos últimos días é antidemocrático", afirmou pola súa banda Evo Morales.


4.11/5 (9 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: