Vieiros

Vieiros de meu Perfil


Edición xeral

RSS de Edición xeral
Este domingo

As enquisas vaticinan que Ecuador referendará amplamente a nova constitución

Arredor dun 60% votaría 'si', por un 31% do 'non'. As reformas, estruturais, son de carácter netamente social.

Redacción - 10:30 28/09/2008
Partidarios do 'non'

Partidarios do 'non'

Algo máis de nove millóns de ecuatorianos están convocados este domingo ás urnas para votar nun histórico referendo onde deberán aprobar ou rexeitar a nova constitución, que consta de 444 artigos e foi redactada elaborada nunha Asemblea Constituínte durante oito meses por 130 representantes.

O presidente de Ecuador, Rafael Correa, afirmou en varias ocasións que renunciaría ao seu cargo se o texto constitucional era rexeitado polo pobo. Todo parece indicar que non ha ter problemas xa que, segundo as últimas enquisas, a maioría dos ecuatorianos chamados ás urnas referendará a nova Carta Magna.

A última das realizadas, que dende o 8 de setembro non se pode difundir no país pola lei electoral, vaticina un 60,1% de votos a favor, 31,3% en contra e 1,3% en branco. Unha outra anterior dáballe un 57% ao 'si' e e só o 24% ao 'non'.

Reformas sociais
Entre as reformas máis salientábeis que contempla a nova constitución están a prohibición do latifundio e da concentración da terra, así como da privatización da auga e das súas fontes co fin de facer efectivo o dereito do pobo ecuatoriano á seguridade alimentaria.

Ademais, non se permitirá a concentración en poucas mans da propiedade dos medios de comunicación, xa sexa en réximes de monopolio ou oligopolio, co obxectivo de primar o interese colectivo por riba privado.

O referendo estará supervisado por observadores da Organización de Estados Americanos (OEA), da Unión Europea (UE), do Parlamento Andino e do Centro Carter, entre outros.


5/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: