Edición xeral
O Goberno acepta un crédito estatal de 100 millóns para mellorar as telecomunicacións
O 95% do importe, a xuro cero, destinarase a estender a banda larga e o resto a aumentar a cobertura da TDT.
O Goberno aprobou esta quinta feira a sinatura dun convenio de colaboración entre a Consellaría de Innovación e o Ministerio de Industria para acceder a un préstamo a xuro cero de case 100 millóns de euros. Dese importe, cinco millóns empregaranse para aumentar a cobertura da TDT no país e o resto para estender o servizo de banda larga.
O crédito conseguírase no pasado mes de decembro, nunha xuntanza da Conferencia Sectoral da Sociedade da Información. Daquela, Galiza acadara o crédito de maior importe do Estado Español para infraestruturas de telecomunicacións, co 17,9% do orzamento total e por diante de Cataluña.
O préstamo terá un tipo de xuro do 0% e un prazo máximo de devolución de 15 anos, que non comezará até 2011.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto