Vieiros

Vieiros de meu Perfil


Edición xeral

RSS de Edición xeral
PROSEGUEN AS CRÍTICAS

Adega critica a “falta de transparencia” do Plano Sectorial Eólico

Considera que se está a actuar con demasiada présa e lembra que logo vai ser moi difícil desbotar concesións xa outorgadas.

Redacción - 20:30 10/11/2008

A asociación ecoloxista fixo público este luns un comunicado no que mostra o seu malestar coa elaboración do Plano Sectorial Eólico, que tramitou a Consellaría de Industria. Adega considera que o proceso está indo con demasiadas présas.

Como exemplo consideran ilóxico que se abra a poxa ás industrias antes de que se aprobe o Plano Eólico. Adega advirte que, unha vez repartidas as concesións, as empresas van ter uns dereitos que van facer moi complicado que Industria, Medio Ambiente e Política Territorial poidan desbotar proxectos con concesións previamente outorgadas.

Adega lembra que, a diferenza doutras concesións, no caso da enerxía eólica as autorizacións son indefinidas xa que “por máis que poida sorprender, o vento non é de dominio público aínda que tampouco é de ninguén”.

Poden ler no Canal Verde o comunicado íntegro de Adega


5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: