Vieiros

Os mozos do equipo masculino sub 18 de hóckey completaron un grande torneo, no que só foron superados polo equipo madrileño, que rematou acadando a vitoria final. O torneo foi organizado pola Federación Madrileña de hóckey, resultando campión o equipo local despois de impoñerse na final a Catalunya por 3-2.

Galiza comezou obtendo unha apurada vitoria ante Euskadi, por 3-1, diferenza de goles que repetiu ao impoñerse por 2-0 a Cantabria no segundo encontro. O terceiro partido do grupo fechou ao combinado galego as portas da final, ao perder por 4-0 contra o potente equipo madrileño. Os galegos conseguiron recuperarse animicamente e venceron á Comunidade Valenciana por 3-0 no partido polo bronce.