Vieiros

Vieiros de meu Perfil


Fwwwrando

RSS de Fwwwrando
Importante sentenza dos tribunais

A xustiza europea rexeita o ficheiro xenético do Reino Unido

Estalicón de orellas do Tribunal Europeo de Dereitos Humanos, que se pronuncia en contra do almacenamento de perfís de ADN de persoas sen vínculo criminal.

Redacción - 09:00 05/12/2008

Segundo estabelece a sentenza do Tribunal Europeo de Dereitos Humanos, con sede en Estrasburgo, unha vez investigado o presunto delito e cando se estabelece que os suxeitos analizados non teñen vencello co suposto crime, non deben conservase mostras xenéticas destes individuos. O contrario, segundo este tribunal, racha co artigo 8 da Convención dos Dereitos Humanos, que estabelece o respecto pola vida privada e familiar.

Na actualidade, no Reino Unido permítese a retención "sistemática e indefinida" dos perfís biolóxicos dos cidadáns, mesmo cando os correspondentes procesos xudiciais tivesen resolvido a prol do acusado. Son deste xeito arredor de cinco millóns de mostras de ADN as que están nas bases de datos do Reino Unido, e calcúlase que sobre 500 mil serían de persoas sen vínculos con ningún tipo de incriminación nos casos investigados. Só en Escocia se eliminan as mostras xenéticas cando se pecha o caso.

Malia a resolución de Estrasburgo, a ministra británica de Interior, Jacquie Smith, aseguraba este xoves que o goberno do Reino Unido avaliará a decisión do Tribunal antes de decidir sobre esta base de datos de ADN. Sinalou a ministra que a policía británica recolle máis de 3.500 mostras cada mes e cualificou os datos de "vitais" na loita contra o crime.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: