Vieiros

Vieiros de meu Perfil


Edición xeral

RSS de Edición xeral
NOVOS ENFRONTAMENTOS COA POLICÍA

O estudantado grego resiste nas rúas unha semana despois

Maniféstase contra as reformas dun goberno que, defenden, está a prexudicar a mocidade, e o que culpan da morte do adolescente Alexi Grigorópulos.

Redacción - 18:00 12/12/2008

A pesar da chuvia, o estudantado de secundaria e universitario de Grecia segue a protestar nas rúas de Atenas, por sétimo día consecutivo. A policía segue a facer uso de gases lacrimóxenos, mentres os estudantes lanzan cócteles molotov e pedras arredor do parlamento grego.

A mocidade culpa o goberno da morte, o sábado 6, do adolescente Alexi Grigorópulos, e protesta polas reformas que levou a cabo durante a última lexislatura contra os intereses do estudantado. Segundo fontes policiais citadas por Reuters, as forzas de seguridade están a esgotar as existencias de granadas lacrimóxenas, das que botaron máis de 4.600 na última semana, polo que xa se puxeron en contacto con Israel e con Alemaña para mercarlles máis.

En Bruxelas, o primeiro ministro grego, Costas Caramanlis, presente no Consello europeo, asegurou que o seu país poderá garantir a seguridade da poboación a pesar dos disturbios e que os culpábeis dos feitos son extremistas de esquerda. Porén, a prensa de Grecia dubida que o primeiro ministro poida conservar o seu posto moito tempo.


5/5 (7 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: