Edición xeral
O ano principia cun aumento do desemprego do 5%
O número de parados roza as 190 mil persoas e medra a un ritmo maior que o do Estado Español (4,6%).
No pasado mes de decembro 9.083 galegos perderon o seu emprego, unha cifra que fai que o número de parados ascenda xa aos 189.903. Se traducimos estes datos en estatísticas, o último mes do ano deixounos un incremento do desemprego do 5,02%, segundo informa o Ministerio de Traballo e Inmigración.
O número de persoas sen traballo incrementouse especialmente na construción con 3.453 parados máis, seguido dos servizos (+2.839), da industria (+2.354 ) e finalmente da agricultura (+400).
Por provincias, a que experimentou un maior aumento do paro foi Pontevedra, onde quedaron sen emprego 4.440 persoas (+6,40%). Séguelle A Coruña con 4.409 desempregados máis (+4,71%), Lugo cunha suba de 558 persoas (+3,22%) e Ourense con 676 persoas que perderon o traballo (+3,11%).
Finalmente, con respecto aos contratos, en decembro asináronse 50.420, un descenso do 9,66% con respecto ao mesmo mes do ano anterior. Mentres, os contratos indefinidos rexistrados foron 5.131, o que supuxo un descenso do 11,70%.
Superada a barreira dos tres millóns
No conxunto do Estado, o paro rexistrado en decembro nos Servizos Públicos de Emprego aumentou en 139.694 persoas respecto a novembro (o 4,67%), polo que o ano pechou cun total de 3.128.963 desempregados. É a cifra de parados máis elevada dende xaneiro de 1996, data dende a que se elabora a actual serie histórica con datos comparábeis.
Ligazóns
Novas relacionadas
- Sete milleiros de parados quedan fóra da estatística oficial
- Novembro déixanos 12.390 parados máis
- Novembro comeza con 11.589 parados máis
- Setembro pechou con 3.300 novos desempregados e cun 8,47% de taxa de paro
- Setembro déixanos case 4.400 desempregados máis
- "Estamos nesta situación porque se especulou con auténticas necesidades das persoas"
- "O preocupante é que a crise da construción se estende á industria e aos servizos"
Comentarios (3)
Dementras o desemprego segue e seguira medrando o goberno do noso pais máis e o do estado están a verlas vir, a meirande parte dos parados os que levan xa seis meses ou máis no paro esgotaron as prestacións á que tiñan dereito.
Arestora se ten a sorte de daren o tipo teran dereito a un subsidio de 410 € máis ou menos, logo dun tempo esgotado o devandito subidio que?
Asi e todo pensades vos que é posibel levar adiante a vida cos catrocentos euros, unha ollada realista fai falta nos nosos deputados e senadores, ainda dos funcionarios autonomicos que din que xa coñecen o problema e prometen solucions seica non as vexo até agora.
E bo o coidado das contas públicas, máis non só coas axudas á banca ten satisfeito o atranco, ainda co perxuizo do defice público as axudas deberian chegar de xeito direto aos que as necesitan.
Coñ... pero, e os cartos que se lle deron á banca e as empresas automobilistas, ¿non axudaron a diminuír o incremento do paro? . Toda a inversión en obra pública, ¿no fai ren? Eu que son moi limitado pregunto: ¿as axudas non haería que darllas a xente que o necesita? , a xente sen recursos, a xente que vai o paro,...
Vou contar unha fábula:Eu son un empresario da construción, que en estes anos atrás fixen uns bos cartos, a base de ir especulando coas miñas obras, gastando e gañando moreas de cartos nun negocio que ía vento en popa. Lavei moito diñeiro negro , en base as entregas en "B" , sexa para terreos, sexa de entrada de pisos,... De súpeto , o globo pinchou e botei lastre fóra(ERE´s) e agora, sen persoal suficiente acudo a concurso de obra pública: ¿Qué fago? ¿ Contrato xente de novo, co risco de que non se sabe canto durará isto? ou... ¿subcontrato a obra a unha empresa portuguesa, a cal nun intre podo prescindir dela, sen problemas? Vos ¿Qué faríades?. O resultado é sempre o mesmo, os pratos rotos pagámolos sempre os mesmos, dá igual quen esté enriba da moqueta, e é que o poder pervirte.
Por certo, a apertura da telegaita, coma nos mellores tempos de D. Manuel abriu dicindo que Galiza soportaba mellor a crise , xa que "sólo" incrementaba o paro un vinte e pico por cento. O dito, o mesmo can con distinto bozal.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto