Edición xeral
18 de xaneiro en Compostela: manifestación nacional por Palestina
Convocan unitariamente ducias de asociacións. Antes, este sábado, haberá unha outra xornada de concentracións en cidades e vilas de todo o país.
Logo de diversas xuntanzas e contactos entre máis de trinta organizacións de todo o país, esta quinta feira acordábase finalmente unha serie de actos reivindicativos a prol do pobo palestino e en contra do ataque do Estado de Israel a Gaza para os vindeiros días. O principal será o domingo 18 de xaneiro, cunha gran manifestación nacional en Compostela.
A marcha sairá ás 12.00 horas da Alameda e percorrerá varias rúas da capital galega até chegar á Praza da Quintana, onde se ha ler un manifesto. A resposta do tecido asociativo do país nace da "necesidade de dar unha resposta unitaria e nacional á matanza palestina do sionismo en Gaza e de garantir a máxima participación posíbel da cidadanía".
Previamente, este sábado, está prevista unha xornada de concentracións tamén unitaria e de carácter nacional, mais centrada nas diversas localidades do país, principalmente nas sete cidades e nas cabeceiras de comarca. A maioría serán ás 20.30 horas, aínda que as horas poden variar dependendo do lugar. Así, por exemplo, en Vigo comezará ás 18.00 horas.
Comentarios (11)
Con nacional queren dicir de todas e todos ?
Ao meu abuelo matárono os nacionais. Eu estudei nunha escola nacional e sufrín á policía nacional... ao nacionalcatolicismo... as carreteras nacionais...
Vivan a Palestina livre e a Galiza Ceive
Dos nacionales e dos nazis sionistas !!!
Nesa data todos estaremos. Galiza com Palestina.
O 18 de xaneiro todos en compostela
Todos a compostela e toda tamén!!
Palestina!
Mellor ainda todos para Gaza e ficade ali para sempre.
Convén ir resolvendo o asunto do uso do termo nacional, que ten significados ben diferentes en cada acepción e texto (contexto) que se expón máis enriba.
P.e.: VZ ou Cuba (e mesmo os USA), exercen a soberanía nacional? Poderían subsistir as duas primeiras sen soberanía?
Acabo de ler agora mesmo este titular, e a miña pregunta é si tamén teñen enleadas co termo os cubanos:
"Ciego de Ávila: sede del acto nacional por Día de la Ciencia Cubana"
Eles terán algún mal para calificar así un acto conmemorativo da ciencia do seu país??!
Para os que aínda non temos a mente colonizada, a palabra nacional refírese ao noso país e desde logo cando oimos falar de touros como festa nacional sabemos moi ben que esa nación non é a nosa. O 18 todos a capital apoiar á xente de Gaza, se para aquelas queda xente en Gaza, claro.
O problemas coa palabra "nacional" só os temos, loxicamente, aquelas persoas galegas que non reducimos a perspectiva da nosa loita a unha visión nacional (nacionalista) e mesmo daquelas que non estamos dispostos a normalizar aquí o que é normal en España (o nacionalismo).
Somos galegas e estamos contra o sionismo asasino e por iso botamos en falta unha denominación que trate de abranguer ao conxunto das xentes que loitan en Galiza. A tendencia do Bloque e doutros grupos nacionalistas (que interfiren acotío de maneira partidaria na organización de mobilizacións de base deste país) é a minorizar a loita e a maximizar a nacionalidade. E moitas non estamos dacordo con iso.
Nacionais quere dicir: o BNG, EU, a CIG, a FPG, a CNT (non é "nacional" a CNT), etc. etc. e quen vive e traballa neste país. Tanto traballo custa entender que nacional non é nacionalista?
E non era mellor falar contra o sionismo en vez de caralladas destas?
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto