Vieiros

Vieiros de meu Perfil


Edición xeral

RSS de Edición xeral
Consello da Xunta

Mudan a Lei de Subvencións para "garantir a transparencia, o control e a eficacia das axudas públicas"

Inclúe como novidade os plans estratéxicos, obrigados para cada petición, onde se especifican as contías e os prazos.

Redacción - 18:15 08/01/2009
Touriño e Quintana, no primeiro Consello da Xunta do ano

Touriño e Quintana, no primeiro Consello da Xunta do ano

O presidente do Goberno, Emilio Pérez Touriño, describiu o novo regulamento da Lei de Subvencións de Galiza, após terminar o primeiro Consello da Xunta deste ano. Segundo dixo, "garante a maior transparencia e eficacia na xestión das axudas públicas".

Touriño tamén salientou a principal novidade que se incorpora a esta lei: os plans estratéxicos de subvencións, un instrumento que se ha aplicar a todas as áreas do Goberno que dependan dos orzamentos do mesmo, e servirá para describir os obxectivos concretos da axuda, a contía desta ou a medición dos efectos que se queren acadar, os prazos para a súa consecución e os indicadores que permitan o seguimento dos obxectivos para facilitar o seu control.

Os novos planos estratéxicos
No novo regulamento desenvólvense os plans estratéxicos previstos, unha figura que as consellarías e os organismos e entidades dependentes ou vinculados ao Goberno están obrigados a elaborar, e que deberán conter a totalidade das liñas de axudas previstas e manteñan coherencia coa planificación orzamentaria. Con eles quérese asegurar que o diñeiro público se enfoque á realización das estratexias de gasto previstas, e non que se derive a obxectivos secundarios non prioritarios na acción da Xunta.


4.5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: