Vieiros

Vieiros de meu Perfil


Edición xeral

RSS de Edición xeral
CUNHA COMPARECENCIA URXENTE

O PP pídelle a Touriño que "dea a cara" polo concurso eólico

Exixen que diga publicamente se apoia ao seu socio de goberno ou aos técnicos que se ergueron da mesa de avaliación.

Redacción /EP - 18:15 22/01/2009
Parque eólico na comarca do Barbanza

Parque eólico na comarca do Barbanza

O Partido Popular quere que o presidente da Xunta aclare nunha comparecencia urxente "as irregularidades e sospeitas" que rodean ao concurso eólico. Así o manifestou o portavoz no Parlamento, Manuel Ruíz Rivas, quen asegurou que esta é a oportunidade de Pérez Touriño para "limpar a imaxe do bipartito", e explicar se está "do lado da nacionalista Consellaría de Industria (encargada da admisión a trámite dos proxectos) ou do lado dos técnicos que se ergueron da mesa de avaliación do concurso por entender que non había garantías xurídicas".

Ao tempo, Ruíz Rivas, tamén pide a Touriño que explique se cre "razoábel que o 43% das adxudicacións se sitúen en zonas de protección, como a Rede Natura". Ademais, asegura que "se o presidente da Xunta elude dar explicacións, será cómplice das irregularidades e das sospeitas de tráfico de influencias" que existen sobre a resolución do proceso de adxudicación.


Ligazóns

3.4/5 (5 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: