Vieiros

Vieiros de meu Perfil


Edición xeral

RSS de Edición xeral
Preguntas e respostas

Os 25 culpábeis da crise económica

O xornal inglés 'The Guardian' ponlles nomes e apelidos os responsábeis, por activa ou por pasiva, da actual situación.

Redacción - 12:45 26/01/2009
Bush e Clinton están na lista

Bush e Clinton están na lista

"O peor período de inestabilidade económico dende a Gran Depresión non é un fenómeno natural senón un desastre provocado pola man do home no que todos temos parte de culpa". O xornal inglés The Guardian sinala este luns os 25 principais culpábeis da crise mundial, dentro do seu especial Recesión no Reino Unido. Camiño á ruína.

Encabeza a lista Alan Greenspan, presidente da Reserva Federal dos EUA entre 1987 e 2006, que pasou de ser considerado un 'oráculo' da economía a un dos máximos responsábeis da actual situación financeira. Greenspan amparou as 'hipotecas subprime' e fixo todo o que puido para que non se fixese o que consideraba unha regulamentación innecesaria.

A crise das subprime comezou durante a presidencia de Bill Clinton, outro dos que aparecen na lista. O ex mandatario abriu a 'caixa de Pandora', que non pechou o seu sucesor George W Bush. Boa culpa disto tívoa o ex senador por Texas Phil Gramm, doutorado en Economía, que en 2001 afirmou nun debate no Senado: "Hai quen mira as subprime e ve o mal. Eu vexo o soño americano en acción".

Completan a selección de The Guardian banqueiros, directores de consellos de administración políticos e primeiros ministros, entre outros. Para finalizar, apunta media ducia de nomes: os dalgunhas persoas que viron chegar o trebón, mais que non se lles fixo caso. A maioría, como George Soros, seguen a ser multimillonarios.


5/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: