Vieiros

Vieiros de meu Perfil


Edición xeral

RSS de Edición xeral
MÁIS ESTATÍSTICAS

As vendas do comercio polo miúdo caen un 5,1%

O descenso é medio punto inferior ao do Estado Español e son as pequenas cadeas as que lideran a caída.

Redacción - 19:30 29/01/2009
Todas as fórmulas comerciais sufriron un descenso de ventas, agás as grandes cadeas

Todas as fórmulas comerciais sufriron un descenso de ventas, agás as grandes cadeas

Unha nova estatística pon as consecuencias da crise sobre a mesa. Desta volta no sector comercial minorista, é dicir, os negocios que se adican á venda polo miúdo e que son tan habituais en Galiza. No conxunto de 2008, este tipo de comercios viron diminuír as súas vendas un 5,1% (medio punto menos que no Estado Español onde a estatística se sitúa no 5,6%).

Son datos ofrecidos este xoves polo Instituto Nacional de Estatística (INE), quen revela ademais que a maior caída se produciu nos produtos non alimenticios, que viron diminuír as súas vendas nun 7,6%. Así, no segmento de equipo persoal caeron un 4%, as de equipo do fogar un 12,8% e as doutros bens un 4,7%. Mentres, os produtos de alimentación reduciron as súas ventas nun 2,5%.

Pequenas cadeas, as máis prexudicadas
Todas as fórmulas comerciais sufriron un descenso, agás as grandes cadeas, que incrementaron o seu volume de negocio nun 0,6%. Con todo, as pequenas cadeas son as que viviron un ano máis difícil, ao experimentar un descenso de transaccións un 9%. Séguenlle as tendas (-7,4%) e as grandes superficies (-5,8%).

Comportamento do emprego
No referente á taxa de emprego, non houbo grandes variacións con respecto ao ano anterior: en Galiza baixou un 0,1%. Aumentou o número de contratacións no caso das grandes cadeas (+2,9%) e das grandes superficies (+0,7%), mentres que caeu nas pequenas cadeas (-2,5%) e nas tendas (-0,1%).

Con todo, é salientábel que o mes de decembro, en plena campaña de Nadal, se reduciron as contratacións laborais. O emprego no sector do comercio minorista retrocedeu un 2,7% en comparación con decembro de 2007.


Ligazóns

5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: