Vieiros

Vieiros de meu Perfil


Eleccións Galiza 2009

RSS de Eleccións Galiza 2009
Galiza2009

Feijoo asegura que o PP aprendeu dos erros pasados, "tamén dos propios"

O líder do PPdeG pide "racionalidade" no gasto fronte á crise e advirte de que o sector público "non pode endebedarse en exceso".

Redacción - 09:00 03/02/2009

Asegurou o líder do PPdeG, Alberto Núñez Feijoo, durante a súa intervención en Madrid nun almorzo organizado por Europa Press, que o seu partido aprendeu dos "erros do pasado", e engadiu, "tanto dos propios como dos alleos". Ao fío, falou da loita fronte á crise como prioridade máxima da súa formación, e afirmou que a crise "non pode combaterse con propostas ocorrentes que só serven para dilapidara superávit público".

"Socialistas e nacionalistas non poden construír xuntos a Galiza do futuro, porque buscan Galizas totalmente diferentes", opinou Núñez Feijoo. Engadiu o presidente do PP galego que o sector público "non debe endebedarse en exceso" e chamou nese estremo a "investir con racionalidade os recursos". "O contrario é hipotecar xeneracións futuras por gastos dos que non se beneficiarán", advertiu.

Por outro lado, Feijoo, definiu o seu proxecto político e programa de "reformista e en boa medida rexeracionista". "E emprego esa palabra porque penso que é o programa que demanda unha nova xeración de galegos", sostivo. Nesa liña reivindicou para o seu partido o protagonismo na conformación durante anos da que cualificou como "a xeración mellor preparada da nosa historia, que non pode resignarse coma no pasado, á emigración".


2.5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: