Vieiros

Vieiros de meu Perfil


Edición xeral

RSS de Edición xeral
YOUTUBE

Os efectos do temporal, en imaxes

Internautas de todo o país subiron á internet vídeos que amosan os estragos de Quinten, Klaus e demais borrascas destes días.

Redacción - 18:09 09/02/2009

Internet ofrece a posibilidade de ver os efectos do temporal sen ter que saír á rúa, e máis tendo en conta o pouco que se recomenda coller o automóbil nestas xornadas invernais. Diversos internautas gravaron e subiron ao YouTube vídeos que amosan os efectos do vento e da chuvia en distintos puntos do país.

Hai xa vídeos do luns 9 de febreiro. Así, os efectos do vento -e o seu fungar- de Quinten son protagonistas dunha sorte de adaptación galega de American Beauty. Outro tanto pódese ver e escoitar noutra peza gravada en Burela.

De xornadas anteriores son outros vídeos, como este gravado na costa de Porto do Son que amosa o terríbel estado do mar, ou estoutro en que se ve, de xeito acelerado, o movemento das nubes durante o 1 de febreiro en Vigo.

Do 30 de xaneiro son dúas pezas que mostran os estragos que causou o temporal no monte Pedroso, preto de Compostela, e en Lalín, este último elaborado pola televisión local Dez TV.

Para rematar, vense os arrepiantes efectos do vento nunha estrada do concello de Valdoviño, con árbores a punto de caer sobre a vía, nun vídeo do 25 de xaneiro.


5/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



'American Beauty'

Consecuencias do temporal en Valdoviño

Efectos da borrasca no monte Pedroso

O mal tempo en Burela

Temporal en Lalín

Temporal no mar

Vigo. Pasou o temporal