Vieiros

Vieiros de meu Perfil


Euskadi

Edición xestionada por Vieiros
RSS de Euskadi
PIDE ANULAR AS SÚAS WEBS

Garzón prohíbe a campaña electoral de D3M e Askatasuna

Clausuraranse as súas sedes e embargaranse as súas contas bancarias.

Redacción - 11:20 18/02/2009

O xuíz da Audiencia Nacional Baltasar Garzón acordou a última hora do martes a suspensión por tres anos (prorrogábeis até cinco) de todas as actividades de Askatasuna e Demokrazia Hiru Milioi (D3M), as dúas formacións abertzales cuxas listas foron anuladas polos tribunais Supremo e Constitucional. Aínda coas listas anuladas, D3M seguía organizando actos de campaña e promovendo o voto nulo. Agora a formación deberá retirar a súa web, e tamén terá que facelo Askatasuna.

Garzón ordena clausurar os seus locais e suspende as súas actividades públicas e privadas, así como a "capacidade de participar como partido, organización ou grupo en calquera actividade", incluída a convocatoria de manifestacións ou concentracións. A decisión chega tres días despois de que o propio maxistrado prohibise unha manifestación en Bilbao contra a anulación das listas de D3M, que ao final derivou en graves incidentes na capital biscaíña. O xuíz central de Instrución 5 da Audiencia Nacional tamén ordena o embargo e bloqueo das contas de Askatasuna e D3M, como xa fixo en febreiro de 2008 cando paralizou toda capacidade de manobra de ANV e de EHAK, aos que tamén considerou "instrumentos" de ETA para que Batasuna regresase pola porta traseira ás institucións vascas.


Ligazóns

0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: