Vieiros

Vieiros de meu Perfil


Eleccións Galiza 2009

RSS de Eleccións Galiza 2009
AMNISTIA INTERNACIONAL

"É necesario elaborar un Plan de Dereitos Humanos para Galiza"

A ONG enviou aos líderes dos tres principais partidos políticos un documento no que lles solicita un maior compromiso na vindeira lexislatura.

Redacción - 12:45 22/02/2009
Alberto Estévez é portavoz de Amnistía Internacional en Galiza

Alberto Estévez é portavoz de Amnistía Internacional en Galiza

Amnistía Internacional reclama un programa de actuación que inclúa medidas para loitar contra o racismo, para protexer aos colectivos vulnerábeis ou para promover os dereitos humanos. Con este obxectivo enviaron unha carta aos tres partidos maioritarios (PPdeG, PSdeG e BNG) recordándolles que a Xunta ten competencias en numerosas áreas que teñen un grande impacto no respecto e na promoción dos dereitos humanos en Galiza. Así, solicitan a elaboración dun Plan de Dereitos Humanos que inclúa medidas para:

1) Loitar contra o racismo.
2) Protexer e dar acceso a recursos a colectivos especialmente vulnerábeis como as inmigrantes indocumentadas vítimas de violencia de xénero.
3) Promover a Educación en Dereitos Humanos no ensino e na formación do profesorado.
4) Impartir formación sobre dereitos humanos ás forzas de seguridade.
5) Elaborar un mapa de foxas comúns en Galiza e garantir que as exhumacións se fagan nun contexto xudicial.
6) Promover e defender os dereitos humanos na Acción Exterior da Xunta intercedendo a prol de vítimas concretas e casos urxentes de violacións de dereitos humanos, apoiando publicamente o traballo dos defensores e defensoras dos dereitos humanos e avogando activamente pola abolición da pena de morte.


Ligazóns

3.33/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: