Vieiros

Vieiros de meu Perfil


Eleccións Galiza 2009

RSS de Eleccións Galiza 2009
DEPUTACIÓN DE PONTEVEDRA

Quintana critica que Louzán saque 150 contratos en campaña electoral

O dirixente nacionalista atribúeos ao nerviosismo do PP pola posíbel perda dun deputado en Pontevedra a favor do BNG.

Redacción - 13:54 24/02/2009
Tags: Quintana
Quintana ve nervioso ao PP ante os resultados do 1 de marzo

Quintana ve nervioso ao PP ante os resultados do 1 de marzo

O líder do BNG mantivo este martes un almorzo con xornalistas nun hotel coruñés e alí atribuíu ao nerviosismo os 150 novos contratos anunciados en plena campaña electoral por Rafael Louzán. Quintana explicou que foi o "nerviosismo" ante a posibilidade de que o bloque lle "reste" un deputado ao PP o que levou ao presidente da Deputación Provincial de Pontevedra a anunciar esta medida.

Durante o encontro cos xornalistas Anxo Quintana reafirmou a súa confianza en que o BNG acade o vindeiro domingo uns bos resultados e dixo estar convencido de que a organización que lidera "subirá nas catro provincias". Quintana non quixo facer unha quiniela electoral, pero si vaticinou que "o PPdeG baixará, o PSdeG quedará cun resultado moi parecido e o BNG terá un ascenso importante".

A lingua durante a campaña
A inclusión do debate lingüístico na campaña foi outro dos temas tratados por Quintana, que tachou de "irresponsabilidade" a mensaxe de Núñez Feijoo. O líder explicou esta afirmación dicindo que Feijoo está facendo unha campaña "dirixida aos que falan castelán e que lle queren mal ao galego". Engadiu ademais, que "a porcentaxe de votantes que falan galego e español do PPdeG non é moi diferente á que ten o BNG".


4.5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: