Vieiros

Vieiros de meu Perfil


Eleccións Galiza 2009

RSS de Eleccións Galiza 2009
GALIZA 2009

A FPG pide o voto de Fidel e Raúl Castro

Queren o apoio de todos os revolucionarios con raíces galegas espallados polo mundo, protestando así contra a situación do voto emigrante.

Redacción - 19:15 24/02/2009
A FPG pide, entre outros, o voto de Fidel e Raúl

A FPG pide, entre outros, o voto de Fidel e Raúl

A Frente Popular Galega publicou na súa páxina web un comunicado no que pide o voto de Fidel e Raúl Castro, entre outros coñecidos revolucionarios de segunda, terceira ou cuarta xeración espallados polo mundo adiante.

Neste comunicado explican que esta medida é un modo de protesta contra a realidade do voto emigrante, criticando con dureza aos tres partidos que ocupan actualmente o parlamento galego ao afirmar que non están polo labor de abordar a cuestión do voto emigrante "con toda a forza e as súas consecuencias".

Por iso, a FPG pide o voto para Fidel e Raúl Castro, así como para o resto de galegos emigrados que "loitaron e loitan polo socialismo". Tamén piden o voto do ministro de Vivenda de Venezuela, Farruco Sesto Novás e o de María Cristina Iglesias, ex ministra de Industrias Pesadas e Comercio do mesmo país. A organización que presenta a Méndez Ferrín estende a súa petición a outros colectivos como a Federación de Sociedades Galegas de Bos Aires ou o Padroado de Montevideo.


4.84/5 (25 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: