Vieiros

Vieiros de meu Perfil


Edición xeral

RSS de Edición xeral
POR UN PROCESO DE AXUSTE

Pascual deixará de mercar dous millóns de litros de leite galego

Acordou a redución dun 11% na recollida por mor do ascenso de vendas de marca branca e pola suposta sobreprodución rexistrada no sector.

Redacción - 14:15 25/02/2009
Leite Pascual asegura que a decisión se debe a un axuste necesario na produción

Leite Pascual asegura que a decisión se debe a un axuste necesario na produción

Xa é unha realidade e unha situación que preocupa aos máis de 200 gandeiros asociados ás cooperativas Melisanto (Melide) e Tierra Llana (Castro de Rei). A dirección de Leite Pascual acordou cos responsábeis destas organizacións a diminución de dous millóns de litros no volume mensual de materia prima que lles mercará a partir do vindeiro 31 de marzo. As razóns que esgrime a empresa son a necesidade dun axuste na recollida, por mor da sobreprodución rexistrada no sector e da suba de vendas de leite de marca branca.

A produción de Pascual en Galiza ronda os 18 millóns de litros mensuais e o xefe de compras, Xaquín Lorenzo, asegura que esta conxuntura se manterá entre seis e oito meses. Do mesmo xeito, informou de que este tipo de decisións para axustar a produción á demanda se están a tomar en diferentes lugares e non quixo relacionalo coa sinatura de contratos homologados impulsados pola Consellaría de Medio Rural. Neste sentido, asegurou que seguirán a asinar estes documentos para a compra e a venda do leite para dar estabilidade ás relacións cos gandeiros.

Preocupación
A decisión non colleu de sorpresa aos produtores, que xa sufriron recortes na recollida en anteriores ocasións. Até o de agora non saben que farán co leite que deixe de recollerlles Pascual, mais a situación é complicada por mor das importacións que chegan de Francia e Portugal a moi baixo prezo. Os sindicatos agrarios reiteran as súas denuncias contra este tipo de prácticas e demandan actuacións dende as diferentes administracións.

A constante difícil situación do sector leiteiro é un tema que ten moitas derivacións políticas. Aquí podes ler a análise do que se ten feito e do que se comprometen a facer as diferentes forzas políticas logo dos comicios electorais.

Estas son as prioridades que debería asumir o goberno que saia das urnas o vindeiro 1 de marzo para: 


Ligazóns

3.29/5 (7 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: