Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
A Rioxa-Galiza (6-2)

As Irmandiñas de fútbol sala comezan cunha derrota o campionato estatal

Arrincou o torneo estatal de seleccións cun mal resultado para as nosas, que agora teñen a obriga de gañar a Cataluña no encontro deste venres.

Redacción - 09:30 06/03/2009
A Irmandiña ten por diante un fermoso enfrontamento contra Catalunya

A Irmandiña ten por diante un fermoso enfrontamento contra Catalunya

O xoves comezou en Gasteiz o campionato estatal de fútbol sala, ao que a Irmandiña chegaba coa intención de corroborar o bo nivel amosado no mundial da disciplina celebrado o pasado mes de outubro en Reus e onde remataron segundas. Á selección que adestra neste campionato María Varela Bardanca tocáballe inaugurar o campionato e fíxoo cunha derrota

Igual que acontecera no mundial, a Irmandiña terá que ir de menos a máis, despois dun partido no que os erros defensivos ao comezo da segunda metade condenaron a un equipo galego que se colocou cun marcador en contra de seis a un aos pouco minutos do segundo acto. Despois María Varela apostou por xogar cunha porteira-xogadora e conseguiron achegarse no marcador, pero non o suficiente para remontar.

A principal dificultade agora estriba en que para clasificarse as galegas teñen que gañar o venres á poderosa selección catalá no último partido do grupo, e agardar ao resultado do partido que estas xoguen contra a Rioxa. Galiza xoga contra Catalunya o venres ás 17.00 horas e terá alí unha boa ocasión de desquitarse, xa que esta é a selección que gañou á Irmandiña na final do último mundial. Aínda así a selección galega neste campionato pouco ten que ver con aquela, que foi artellada por unha federación diferente a esta, e resulta probábel que na catalá tampouco repitan moitas xogadoras.

Na fase final deste torne participan as seleccións de Galiza, Euskadi, Catalunya, Andalucía, Madrid e A Rioxa, divididas en dous grupos de tres equipos. As seleccións de cada grupo xogan entre si un triangular que clasifica para a final ás primeiras de cada grupo, e para a final de consolación ás segundas clasificadas. Estes partidos xogaranse na mañá do domingo.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: