Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
CELEBROUSE EN CASTRELO DE MIÑO

Cumpríronse os prognósticos no galego de piragüismo

Carlos Pérez e Teresa Portela gañaron as súas regatas mentres que o Kayak Tudense dominou a clasificación xeral.

Redacción - 12:00 09/03/2009
Máis de 300 padexeiros participaron nos campionatos

Máis de 300 padexeiros participaron nos campionatos

Castrelo de Miño acolleu esta fin de semana o campionato galego de piragüismo, no que finalmente non houbo sorpresas e os grandes favoritos impuxéronse nas súas categorías. Este foi o caso, por exemplo, de Carlos Pérez (K-1 sénior), Teresa Portela (K-1 sénior), Tania Fernández (K-1 xuvenil) ou José Luís Bouza (C-1 sénior). As regatas disputáronse sobre distancias de 5000 ou 3000 metros.

Na clasificación por equipos o Kayak Tudense tamén cumpriu os prognósticos e impúxose con claridade aos seus rivais acadando 3055 puntos no total das categorías. O podio por equipos completárono o Club As Torres - Romaría Vikinga, con 1756 puntos, e o Club Náutico Firrete, que acadou 1308.

Campionato galego de veteranos
Varias das regatas disputadas durante a fin de semana en Castrelo de Miño correspondían ao campionato galego de veteranos, que se celebrou paralelamente. Nesta competición o club gañador foi o Naval de Pontevedra, con 110 puntos; seguido do Náutico ría de Betanzos, que acadou 105 puntos.


4/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: