Vieiros

Vieiros de meu Perfil


Fwwwrando

RSS de Fwwwrando
INNOVACIÓN AUDIOVISUAL

A televisión norueguesa será distribuidor oficial de contidos por BitTorrent

A NRK será 'tracker' coa mesma tecnoloxía que The Pirate Bay, e distribuirá contidos baixo licenzas Creative Commons.

Redacción - 19:30 10/03/2009

Despois de ser a primeira televisión en difundir series por internet mediante o sistema BitTorrent, a pública norueguesa NRK converteuse tamén en pioneira en contar co seu propio 'tracker' desa rede de distribución de arquivos. A NRK usará o software OpenTracker, o mesmo que emprega a polémica web sueca The Pirate Bay, aínda que só distribuirá contidos libres de dereitos de autor.

O emisor público pódese permitir facer este tipo de distribución, de balde e sen DRM, porque o 94% dos seus ingresos proceden dun canon pagado polas persoas norueguesas que posúen televisor, como acontece noutros estados europeos.

Porén, a televisión norueguesa aínda terá que resolver algúns problemas relacionados cos dereitos de distribución internacional dalgúns contidos, que nalgúns casos precisan de compensación aos autores. Por outra banda, a NRK cre que con BitTorrent poderá chegar a máis xente, ter datos fiábeis sobre o número de descargas e de paso ensaiar a nova tecnoloxía. Está por ver se o modelo se estenderá a outros radiodifusores públicos de Europa.


3/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: