Vieiros

Vieiros de meu Perfil


Edición xeral

RSS de Edición xeral
'XORNADA POLA VIDA'

Os bispos denuncian que se protexen máis os linces ca os bebés

A Conferencia Episcopal Española distribuirá oito millóns de dípticos, 30 mil carteis e 1.300 valados publicitarios até o 30 de marzo.

Redacción / EP - 19:35 16/03/2009
Cartel da campaña da institución católica

Cartel da campaña da institución católica

A Conferencia Episcopal Española (CEE) presentou este luns unha nova campaña publicitaria que levará como lema "Protexe a miña vida". O anuncio pretende amosar o rexeitamento da institución católica pola reforma da Lei do Aborto e contrasta un naipelo cun lince, sobre o que aparece a mensaxe de "protexido". Enriba do neno lese a mensaxe "e eu?", mentres que a parte superior do cartel amosa imaxes de diferentes fases de formación dun embrión.

Segundo o voceiro da CEE, Juan Antonio Martínez Camino, a vida humana "non debe ser menos protexida" ca a flora ou a fauna, e considera que a lei que se está a tramitar "non protexe o dereito á vida" e "é inxusta". No entanto, puntualizou que ve "ben" que se protexa os animais en perigo de extinción.

A igrexa católica española celebrará, ademais, o 25 de marzo, a Xornada pola Vida, na que avogará polo "apoio integral á muller para que poida dar a luz o seu fillo".

A campaña publicitaria estenderase do 16 ao 30 de marzo. Constará de 1.300 valados publicitarios en 37 cidades. Ademais, distribuirá 30 mil carteis en parroquias e centros católicos, ademais de oito millóns de dípticos informativos.


2,38/5 (8 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: