Vieiros

Vieiros de meu Perfil


Galego.org

Xestionado por Vieiros
RSS de Galego.org
CON CONTIDOS MULTIMEDIA

O Celga 1 poderase obter por internet

Política Lingüística presentou un curso en liña que permitirá obter o certificado básico de lingua. Só está pendente a convocatoria oficial.

Redacción - 09:00 31/03/2009

Por primeira vez, as persoas que desexen obter o Certificado de Lingua Galega no seu primeiro nivel, o Celga 1, poderano facer a través da internet. A Secretaría Xeral de Política Lingüística e a Asociación Multisectorial de Novas Tecnoloxías da Información e da Comunicación, Ineo, presentaron esta segunda feira o curso en liña.

O presidente de Ineo, Jorge Cebreiros, fíxolle entrega á secretaria xeral saínte de Política Lingüística, Marisol López, do traballo, realizado durante os últimos meses. O sistema poñerase ao dispor do público despois da demanda detectada desta modalidade de ensino.

O curso está deseñado para completarse en 30 horas de aprendizaxe en liña, e pretende achegar os coñecementos básicos de lingua dun xeito ameno e atractivo. Está distribuído en 10 unidades de tres bloques cada unha. Inclúe formatos clásicos como preguntas pechadas, unir parellas ou encher ocos, e tamén imaxes animadas, textos e locucións en todas as pantallas, coa opción de gravar a voz do alumnado. A avaliación efectúase mediante tests.

As persoas que participen neste curso contarán coa supervisión dun titor e cun menú de uso persoal con acceso ao correo interno da plataforma para comunicarse coa persoa responsábel da titoría. En principio, poderán participar no curso 500 persoas simultaneamente, cando se realice a convocatoria oficial e conclúa o proceso de selección do alumnado.


2.57/5 (7 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: